অসম লাইভ২৪ঃ চুম্বন বিতৰ্কত সোমাই পৰিল এইবাৰ দালাই লামাও। বৌদ্ধসকলৰ আধ্যাত্মিক গুৰুৰ এটা ভিডিঅ’ক লৈ সকলোতেই চলিছে চৰ্চা। দালাই লামাই এজন কিশোৰৰ ওঁঠত চুম্বন কৰাক লৈ চলিছে চৰ্চা। ভিডিঅ’ত বৌদ্ধ সন্ন্যাসী লামাই শিশুটিৰ ওঁঠত গভীৰভাৱে চুম্বন কৰা দেখা গৈছে।
এটা বিশেষ অনুষ্ঠানত অতিথি হিচাপে উপস্থিত থকা দালাই লামাক সন্মান জনাবলৈ আহিছিল কিশোৰজন। সেই সময়তেই দালাই লামাৰ কাষলৈ আহি কিশোৰজনে ওঁঠত চুম্বন কৰে দালাই লামাক। তাৰপাছতেই দালাই লামাই নিজৰ জিভাখন ওলিয়াই কিশোৰজনক পুনৰ চুম্বন কৰিবলৈ কয়। দালাই লামাই জিভাখন উলিয়াই কিশোৰক কৈছিল, ‘তুমি মোৰ জিভাতো চুম্বন এটা দিয়া!’ এই দৃশ্য বন্দী হৈছিল সম্বৰ্ধনা অনুষ্ঠানলৈ অহা একাংশ লোকৰ কেমেৰাত।
ভিডিঅ’টো সামাজিক মাধ্যমত শ্বেয়াৰ কৰাৰ পাছতেই বহুতেই বিষয়টোক লৈ মত প্ৰকাশ কৰিছে। টুইটাৰত বহুসংখ্যক নেটিজেনে লিখিছে, ‘দালাই লামাৰ পৰা এনে আচৰণ মুঠেও আশা কৰা নাছিলো। এই আচৰণ কোনো কাৰণতে গ্ৰহণযোগ্য নহয়। এই কাৰ্যৰ বাবে দালাই লামাই ক্ষমা খোজা উচিত।
উল্লেখ্য যে শান্তিৰ নৱেল বঁটা বিজয়ী দালাই লামাই ২০১৯ চনত কৰিছিল এটি বিতৰ্কিত মন্তব্য। তেওঁ ধৰ্মগুৰু চিনাক্তকৰণক লৈ কৈছিল, ‘যদি কোনো মহিলাক দালাই লামাৰ স্থানত লোৱা হয় তেন্তে এই ধৰ্ম প্ৰচাৰৰ যাত্ৰা আৰু আকৰ্ষণীয় হ’ব।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
