সন্তান নোহোৱা মানেই সকলো দোষ মহিলাগৰাকীৰেই! এই ধাৰণা প্ৰায়সংখ্যক লোকৰেই৷ কোনো পৰীক্ষা নিৰীক্ষা নচলোৱাকৈয়ে সিদ্ধান্ত লয় অধিকাংশ মানুহে৷ বন্ধ্যাত্বৰ হাৰ এতিয়া দ্ৰুতগতিত বাঢ়িব ধৰিছে৷ এই সমস্যা কেৱল মহিলাসকলৰেই নহয় পুৰুষসকলো ভূগিবলৈ ধৰিছে৷ এই ক্ষেত্ৰত জীৱনযাত্ৰা আৰু বৰ্ধিত ওজনকেই বহুতে দায়ী কৰে৷ অৱশ্যে ইয়াৰ আৰু এক ডাঙৰ কাৰণ হৈছে অজানিতেই বন্ধ্যাত্বৰ হাৰ কেইবাগুণো বাঢ়িছে৷ নিশা দেৰীকৈ টোপনি যোৱাৰ অভ্যাস বহুতৰেই আছে৷ নিশা জাগি থাকি মোবাইলত ৰীল ৱেবচিৰিজ চাই বহুতে দুপৰনিশাতহে টোপনি যায়৷ কম টোপনিৰ ফলত কেৱল ক্লান্তিয়েই নহয় মূৰৰ বিষ আৰু মনোযোগৰ অভাৱেও দেখা দিয়ে৷ ইয়াৰোপৰি বন্ধ্যাত্বৰ আঁৰতো এই অভ্যাসেই বুলি দাবী কৰে চিকিৎসকে৷
স্ত্ৰীৰোগ চিকিৎসকৰ মতে কম টোপনিয়ে বন্ধ্যাত্বৰ সমস্যাই বঢ়াই দিব পাৰে৷ চিকিৎসকে কৈছে, ডায়েট ছাপ্লিমেণ্ট বা অতিৰিক্ত শৰীৰচৰ্চাই নহয় এই মুহূৰ্তত বন্ধ্যাত্বৰ সকলোতকৈ ডাঙৰ কাৰণ হৈছে কম টোপনি৷ আমি এনে এক জগতত বাস কৰিছো য’ত দেৰীকৈ টোপনি যোৱাৰ অভ্যাস স্বাভাৱিক হৈ পৰিছে৷ গভীৰ নিশা পৰ্যন্ত মোবাইল টিপা, নিশা জাগি থাকি অফিচৰ কাম শেষ কৰা, ৱেব চিৰিজ চোৱা এই সকলো কাৰণত টোপনিৰ সময়ৰ ঠিক নাথাকে৷ ঋতুস্ৰাৱ চক্ৰ, ডিম্বস্ফোটন, প্ৰজনন ক্ষমতা আৰু শৰীৰৰ ওজনো ছাৰ্কাডিয়ান ৰিডম নামক এক ২৪ ঘণ্টাৰ আভ্যন্তৰীণ ঘড়ীৰ ওপৰত নিৰ্ভৰ কৰি চলে৷ যেতিয়া টোপনিৰ সময় ক্ৰমাগত পৰিবৰ্তিত হয় তেতিয়া শৰীৰৰ হৰমনসমূহ বিভ্ৰান্ত হৈ ভাৰসাম্য হেৰুৱাই পেলায়৷
মহিলাৰ ক্ষেত্ৰত
পুৰুষৰ ক্ষেত্ৰত
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
