প্ৰতিটো গ্ৰহই এক নিৰ্দিষ্ট সময়ৰ অন্তৰালত নিজৰ গতিবিধি সলনি কৰে৷ দেশজুৰি সদ্য সমাপ্ত হৈছে পোহৰৰ উৎসৱ দীপাৱলি৷ দীপাৱলিৰ পাছতেই জ্যোতিষশাস্ত্ৰমতেও বৃহৎ ঘটনা ঘটিছে৷ বৃষ ৰাশিত সংযোগ ঘটিব বৃহস্পতি আৰু শুক্ৰৰ৷ যাৰ ফলত, এই সময়ত তৈয়াৰ হ’ব সমসপ্তক যোগ৷ জ্যোতিষশাস্ত্ৰ অনুসৰি বৃহস্পতি আৰু শুক্ৰই যেতিয়া এটাই আনটোৰ ওপৰত সপ্তম স্থানত একেলগে অৱস্থান কৰে তেতিয়াই তৈয়াৰ হয় সমসপ্তক যোগ৷ কেইবাটাও ৰাশিৰ ওপৰত এই ৰাজযোগৰ শুভ প্ৰভাৱ পৰিব৷ ইয়াৰোপৰি অৰ্থপ্ৰাপ্তি আৰু সাফল্যও আহিব কেইটামান ৰাশিৰ জাতকৰ জীৱনত৷
মিথুন ৰাশি
সমসপ্তক যোগ লাভজনক হ’ব মিথুন ৰাশিৰ৷ হঠাৎ অৰ্থপ্ৰাপ্তি হ’ব পাৰে৷ চাকৰিত সাফল্য আহিব৷ নতুন চাকৰিৰ প্ৰস্তাৱ পাব পাৰে৷ বহু দিন ধৰি পাবলগীয়া ধন লাভ কৰিব৷ ব্যৱসায়ত লাভৰ মুখ দেখিব৷ বৃহৎ বিনিয়োগৰ সুযোগ আহিব পাৰে৷ পৰিয়ালত শান্তি থাকিব৷
ধনু ৰাশি
দীপাৱলিত ধনু ৰাশিৰ শুভ সময় আৰম্ভ হৈছে৷ আৰ্থিক লাভৱ সম্ভাৱনা প্ৰৱল৷ কৰ্মজীৱনৰ দিশৰ পৰা এনে কিছু সুখবৰ পাব পাৰে যাৰ অপেক্ষা আপুনি বহুদিন ধৰি কৰি আছিল৷ আধ্যাত্মিক ক্ষেত্ৰত আগ্ৰহ বাঢ়িব এই ৰাশিৰ মানুহৰ৷ দীৰ্ঘদিন ধৰি কোনো কাম পৰি থাকিলে এই সময়তেই সম্পন্ন হ’ব৷
মকৰ ৰাশি
মকৰ ৰাশিৰ অধিকাৰীসকলৰ সুদিন আহিব পাৰে৷ যি কোনো ক্ষেত্ৰত সাফল্য পাব৷ মা লক্ষ্মীৰ কৃপা লাভ কৰিব৷ সকলো ধৰণৰ অৰ্থনৈতিক বাধা, দুঃচিন্তাৰ অৱসান ঘটাই সুখ সমৃদ্ধিৰে ভৰিব জীৱন৷ চৰকাৰী চাকৰি লাভৰ যোগ আছে৷ বিনিয়োগৰ পৰা ভাল আয় পাব পাৰে৷ সংগীৰ সৈতে সম্পৰ্কৰ উন্নতি ঘটিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
