সম্প্ৰতি আমেৰিকাৰ নিউৱৰ্ক চহৰৰ প্ৰখ্যাত স্ত্ৰীৰোগ বিশেষজ্ঞ ব্ৰায়ান লেভিনে প্ৰকাশ কৰিছে এক বিশেষ অভিজ্ঞতা৷ যি শুনি চমকি উঠিছে সমগ্ৰ বিশ্বৰ চিকিৎসক মহল৷ ডাঃ ব্ৰায়ানে জনাইছে যে আমেৰিকাত কৃত্ৰিম প্ৰজননৰ ক্ষেত্ৰত এক নতুন প্ৰবণতাই দেখা দিছে৷ সকলো মহিলাই এতিয়া আই ভি এফ পদ্ধতিৰ মাধ্যমেৰে মাতৃ হব বিচাৰিছে৷ তেওঁলোকৰ মাজত বহুতেই দাতাৰ শুক্ৰাণু কিমান ভাল সেয়া পৰীক্ষা কৰিবলৈকে এতিয়া বহু ধন ব্যয় কৰিবলৈ লৈছে আমেৰিকাৰ বহুসংখ্যক লোকে৷
সহজ ভাষাত ক’বলৈ হলে শুক্ৰাণু গ্ৰহণৰ পূৰ্বে পৰীক্ষা কৰি চোৱা হয় যে শুক্ৰাণুৰ প্ৰজনন ক্ষমতা কিমান৷ এই পৰীক্ষাত খৰচ হয় প্ৰায় এক লাখ মাৰ্কিন ডলাৰ৷ যি ভাৰতীয় মুদ্ৰাত প্ৰায় ৮০ লাখ টকাৰো বেছি৷ কেৱল সেয়াই নহয় দাতা আমেৰিকান, এইকথা নিশ্চিত কৰিবলৈকো বহু ধন খৰচ হয়৷ কেৱল আমেৰিকাই নহয়, ব্ৰিটেইনসহ পশ্চিম ইউৰোপৰ বিভিন্ন দেশেও আমেৰিকান দাতাৰ শুক্ৰাণু দাম দি ক্ৰয় কৰিছে৷ ওজন হিচাপত এক গ্ৰাম সকলোতকৈ ভাল মানৰ বীৰ্যৰ দাম চাৰি হাজাৰ ডলাৰ পৰ্যন্ত উঠিছে৷ অৰ্থাৎ ভাৰতীয় মুদ্ৰাত প্ৰায় চাৰে তিনি লাখৰ ওচৰত৷
ভাৰতে অৱশ্যে এই ধৰণৰ কামৰ ওপৰত বেছ কিছু বিধি নিষেধ আছে৷ এছিচটেড ৰিপ্ৰডাকটিভ টেকনোলজি ৰেগুলেছন এক্ট ২০২১ অনুসৰি শুক্ৰাণু দানৰ ক্ষেত্ৰত নৈতিকতা মানি চলা আৱশ্যক৷ এছিচটেড ৰিপ্ৰডাক্টিভ টেকনোলজি ৰেগুলেছন এণ্ড চেৰোগেছি বৰ্ডে এই সমগ্ৰ প্ৰক্ৰিয়াৰ ওপৰত নজৰদাৰি কৰিছে৷ সাধাৰণতে যিসকলে ভাৰতত শুক্ৰাণু দান কৰে তেওঁলোকক সংশ্লিষ্ট ক্লিনিকৰ পক্ষৰ পৰা কিছু সান্মানিকো দিয়া হয়৷ অৱশ্যে ভাৰতত এতিয়াও এই প্ৰক্ৰিয়া আমেৰিকাৰ দৰে হৈ উঠা নাই৷ ইয়াৰোপৰি ভাৰতত শুক্ৰাণু দান কৰাৰ বাবে বেছ কিছু নিয়ম মানি চলাটো জৰুৰী৷
দাতা হোৱাৰ যোগ্যতা
দাতাৰ বয়স ২১ বছৰৰ পৰা ৫৫ বছৰৰ ভিতৰত হব লাগিব৷
দাতাৰ এইচআইভি, ক্লেমিডিয়া, গনৰিয়া, চিফিলিছ আৰু হেপাটাইটিছ চিৰ দৰে সংক্ৰামক ৰোগ থাকিব নালাগিব৷
দাতাৰ কোনো জিনগত ব্যাধি বা ছিষ্টিক ফাইব্ৰচিছৰ দৰে চিকিৎসাগত অৱস্থাৰ ইতিহাস থাকিব নালাগিব৷
দাতা নিয়মিত ধূমপায়ী, মাদক ব্যৱহাৰকাৰী বা মদ্যপ হলে শুক্ৰাণু দান কৰিব নোৱাৰিব৷
পৰিচয় গোপনে ৰখা
দাতাৰ পৰিচয় আৰু ঠিকনা জনাৰ অধিকাৰ ক্লিনিক বা দম্পত্তি কাৰোৱেই থাকিব নালাগিব৷
অন্যান্য নিয়ম
স্ত্ৰী বা স্বামীৰ আত্মীয় বা পৰিচিত বন্ধুৰ দ্বাৰা দানকৃত শুক্ৰাণু ব্যৱহাৰ অনুমোদিত নহয়৷
তেজৰ গ্ৰুপ আৰু ব্যক্তিৰ আৰ এইচ ষ্টেটাছ নিৰ্ধাৰণ আৰু ৰেকৰ্ড কৰা হব৷
দাতাৰ অন্যান্য প্ৰাসঙ্গিক তথ্য যেনে উচ্চতা, ওজন, বয়স, শিক্ষাগত যোগ্যতা, পেছা, ছাল আৰু চকুৰ ৰং যিকোনো মানসিক ব্যাধিসহ ডাঙৰ ৰোগৰ ৰেকৰ্ড আৰু কোনো পাৰিবাৰিক ব্যাধিক ইতিহাসৰ ক্ষেত্ৰত পাৰিবাৰিক পটভূমিও ৰেকৰ্ড কৰা হব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
