অসম লাইভ২৪ঃ দীপাৱলীৰ দিনাই মুক্তি লাভ কৰিছে ছলমান খান অভিনীত টাইগাৰ-৩য়ে৷ টাইগাৰ-৩য়ে মুক্তিৰ পূৰ্বৰে পৰাই বক্স অফিচত খলকনিও তুলি আছে৷ ২০১৭ চনৰ পাছত ডাঙৰ পৰ্দাত আকৌ এবাৰ টাইগাৰ৷ টাইগাৰক লৈ চিনেমা অনুৰাগীৰ মাজত চলা চৰ্চাক কেন্দ্ৰ কৰিয়েই বহুতেই কৈছে, টাইগাৰ-৩ ব্লকব্লাষ্টাৰ হ’বই৷ কিন্তু মুক্তিৰ প্ৰথম দিনটোত কিমান ধন আয় কৰিলে টাইগাৰ-৩য়ে?
দেওবাৰে ১২ নৱেম্বৰত টাইগাৰ ৩য়ে মুক্তিৰ প্ৰথম দিনা ৪৪.৫০ কোটি টকা আয় কৰিবলৈ সক্ষম হৈছে৷ টাইগাৰ ৩ৰ প্ৰথম দিনাৰ কালেকশ্ব্যনৰ ৰিপৰ্ট প্ৰকাশ কৰিছে বলীউডৰ এক সূত্ৰই৷ মুক্তিৰ দিনাই টাইগাৰ৩ৰ হিন্দী ভাৰ্ছনে সৰ্বাধিক আয় কৰিবলৈ সক্ষম হৈছে৷ ২০১২ চনত প্ৰথমে মুক্তি পাইছিল এক থা টাইগাৰ৷ তাৰপিছতেই ২০১৭ চনত মুক্তি লাভ কৰে টাইগাৰ জিন্দা হে৷ তাৰপিছতেই এইবাৰ টাইগাৰ৩৷ ছবিখনৰ মুক্তিৰ লগে লগে ছলমান আৰু কেটৰ জুঁটিটোকো বহুতে প্ৰশংসা কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
