অসম লাইভ২৪ঃ চকু শৰীৰৰ আটাইতকৈ স্পৰ্শকাতৰ অংগ। পূৰ্বে এটা বয়সৰ পাছতহে মানুহৰ চকুৰ ৰোগ হৈছিল। এতিয়া তেনে নহয়। যিকোনো বয়সতেই চকুৰ ৰোগ হ’ব পাৰে। আধুনিক জীৱনযাত্ৰাত কম বয়সতেই চকুৰ সমস্যা হ’ব পাৰে। পৰ্যাপ্ত টোপনিৰ অভাৱত চকুৱে বিশ্ৰাম নাপায়। যিমান সময় সাৰে থাকে সিমান সময়ে আমাৰ চকুৰ ওপৰতেই চাপ পৰে। কাৰ্যালয়ত দীৰ্ঘসময় ধৰি লেপটপৰ সন্মুখত কাম কৰা, মোবাইলত প্ৰায়সময়তে ব্যস্ত থকা আদিয়ে চকুৰ সমস্যা বঢ়াই তোলে। সাধাৰণতে কিছু অভ্যাস এৰাই চলিলেই চকুৰ সমস্যাৰ পৰা হাত সাৰি থাকিব পাৰি। চকু ভালে ৰাখিবলৈ কি কি কৰাটো প্ৰয়োজন?
১) গৰম পানীৰে চকু নুধুৱ
যিমানেই ঠাণ্ডা নহওক কিয় ঠাণ্ডা পানীৰে চকু ধোৱাটো চকুৰ বাবে ক্ষতিকাৰক। কেৱল গৰম পানীয়েই নহয়, জুইৰ ধোঁৱাও চকুৰ বাবে ক্ষতিকাৰক। প্ৰখৰ ৰ’দো চকুৰ বাবে বেয়া। সেয়ে এইসমূহৰ পৰা চকুক ৰক্ষা কৰাটো অতিকৈ প্ৰয়োজন।
২) চকুৰ পলক নেপেলোৱাকৈ থকা
চকুৰ ওচৰলৈ কিবা আহিলে আমাৰ চকুৱে নিজেই পলক পেলাই। কিন্তু টেলিভিছনৰ লোমহৰ্ষক কোনো ঘটনাৰ একশ্ব্যন চাই থাকোতে আমি পলক পেলাবলৈকে পাহৰি পেলাও। চকুৰ পলক নেপেলোৱাৰ অভ্যাস কিন্তু চকুৰ বাবে অতিকৈ বেয়া।
৩) অতিৰিক্তভাৱে আইড্ৰপ ব্যৱহাৰ কৰা
বহুতেই ভাৱে যে বাৰে বাৰে আইড্ৰপ ব্যৱহাৰ কৰিলে চকু ভালে থাকে। এয়া কিন্তু চকুৰ বাবে অপকাৰীহে। চিকিৎসকৰ পৰামৰ্শ অবিহনে কৃত্ৰিম, ৰাসায়নিক নিৰ্ভৰশীনল এই ড্ৰপ ব্যৱহাৰ কৰা অনুচিত।
৪) শোৱাৰ সময়ত মাস্ক ব্যৱহাৰ কৰা
চকুৰ চাৰিওফালে বালিৰেখা পৰাটো বহুতৰে এটা প্ৰধান সমস্যা। এই সমস্যাৰ পৰা মুক্তি পাবলৈ বহুতেই শুবলৈ যাওঁতে চকুত মাস্ক পৰিধান কৰে। কিন্তু এনেদৰে মাস্ক পিন্ধাটো চকুৰ বাবে ক্ষতিকৰ।
৫) চকু খজুওৱা
বহুতেই ঘনাই হাতেৰে চকু খজুৱাই থাকে। পৰিষ্কাৰ হাত হয়নে নহয় সেয়া নোচোৱাকৈয়ে চকু মোহাৰি থকাটো চকুৰ বাবে ক্ষতিকাৰক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
