অসম লাইভ ২৪ঃ ভাৰোত্তলনত মণিপুৰৰ মীৰাবাঈ চানুৱে চমকপ্ৰদ প্ৰদৰ্শনেৰে ৰূপৰ পদক লাভ কৰাৰ পাছত বিশ্বৰ সৰ্ববৃহৎ ক্ৰীড়াংগনত অগ্ৰগতি ভাৰতৰ টেনিছ তাৰকা সুমিত নাগালৰ। ফাইনেল ৰাউণ্ডলৈ উন্নীত হৈছে সুমিত লিয়েণ্ডাৰ পেজৰ পাছত অলিম্পিকৰ চিংগল মেচত জয়ী হোৱা দ্বিতীয় গৰাকী ভাৰতীয় খেলুৱৈ হিচাপে বিবেচিত হৈছে নাগাল। সুমিত নাগাল পৰৱৰ্তী মেচত অৱতীৰ্ণ হ’ব বিশ্ব ৰেংকিংৰ দ্বিতীয় স্থানত থকা খেলুৱৈ ডেনিয়েল মেদবেদেৱৰ বিৰুদ্ধে। সুদীৰ্ঘ ২৫ বছৰৰ পাছত অলিম্পিকত টেনিছৰ ব্যক্তিগত শাখাত জয়ী হৈছে হাৰিয়ানাৰ খেলুৱৈগৰাকী। উজবেকিস্তানৰ ডেনিছ ইষ্ট’মিনক ৬-৪, ৬-৭ আৰু ৬-৪ ব্যৱধানত পৰাস্ত কৰে ভাৰতীয় খেলুৱৈগৰাকীয়ে। ২ ঘণ্টা ৩৪ মিনিটৰ এক ৰোমাঞ্চকৰ খেল অনুষ্ঠিত হৈছিল দুয়োগৰাকী তাৰকা খেলুৱৈৰ মাজত। উল্লেখ্য, জিচন আলী(১৯৮৮), লিয়েণ্ডাৰ পেজ (১৯৯৬)ৰ পাছত অলিম্পিকত তৃতীয় গৰাকী ভাৰতীয় টেনিছ খেলুৱৈ হিচাপে বিজয় ধ্বজা উৰুৱাৰ দিশে আগবাঢ়িছে হাৰিয়ানাৰ সুমিত নাগালে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
