অসম লাইভ২৪ঃ আপুনি বাৰু ভ্ৰমণ কৰি ভাল পায় নে? যদি ভাল পায় তেনেহলে কিহত ভ্ৰমণ কৰি ভাল পায় আপুনি? বাছত, সৰু গাড়ীত, উৰাজাহাজত নে ৰে’লত। যদি আপুনি ৰেলত যাত্ৰা কৰিছে তেনেহলে আপোনাৰ বাবে এটা চিনাকী দৃশ্য হৈছে যে, ৰেলখনৰ শেষৰটো ডবাত ডাঙৰকৈ লিখা থাকে এটা ‘X’। কিন্তু আপুনি বাৰু ভাবিছেনে কিয় লিখা থাকে এই চিনটো। যদি আপুনি ইয়াৰ উত্তৰটো জানে তেনেহলে আপোনাক অভিনন্দন। আৰু যদি নাজানে, তাৰ বাবে পঢ়ক আমাৰ এই ষ্টৰীটো।
ৰে’লৰ কম্পাৰ্টমেণ্টৰ পিছফালে ‘X’ লিখাৰ অৰ্থ হৈছে, এই কম্পাৰ্টমেণ্টটো ৰেলখনৰ অন্তিমটো কম্পাৰ্টমেণ্ট। সুৰক্ষাৰ কথা মনত ৰাখি, ৰে’লখন অন্তিমটো ডবাত বগা-হালধীয়া ৰঙত লিখা থাকে ‘X’। ডবাত লিখা এই ‘X’ চিহ্নটো দেখি ষ্টেচন মাষ্টাৰে বুজি পাইছে যে, সম্পূৰ্ণ ৰে’লখনে ইতিমধ্যে যাত্ৰা কৰিছে। যাত্ৰীসকলেও জানিব পাৰে যে ৰে’লখন প্লেটফৰ্মৰ পৰা ওলাই গৈছে। অৱশ্যে
যদি ষ্টেচন মাষ্টৰে এই চিহ্নটো দেখা নাপায়, তেওঁ ষ্টেচনটো খালী কৰিব নোৱাৰিব। যাৰ ফলত বেমেজালিৰ সৃষ্টি হোৱাৰ সম্ভাৱনা থাকে।
যদি এই বিশেষ চিনটো দ্বায়িত্বত থকা কৰ্মচাৰীজনে প্ৰত্যক্ষ নকৰে তেতিয়াহলে ৰেডিঅ’ ছিগনেলৰ জৰিয়তে উচ্চতম কৰ্তৃপক্ষলৈ এই তথ্য প্ৰেৰণ কৰিবলগীয়া পৰিস্থিতিৰ সৃষ্টি হব। আৰু পাৰ হৈ যোৱা ডবাবোৰকে ৰখাই দিবলৈ বাধ্য হৈ পৰিব।
সেয়ে যাতে ৰে’লৰ পৰৱৰ্তী সময়সূচীত কোনো ধৰণৰ বাধাৰ সৃষ্টি নহ’বৰ বাবেই ৰে’লৰ শেষৰটো ডবাত স্পষ্টকৈ লিখা থাকে এই ডাঙৰ ‘X’টো
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
