মণিপুৰৰ পাছত এইবাৰ ত্ৰিপুৰাত দুটা সম্প্ৰদায়ৰ মাজত….ইণ্টাৰনেট সেৱা বন্ধ
উত্তৰ পূৰ্বাঞ্চলৰ ৰাজ্য মণিপুৰৰ বিগত বহু মাহ ধৰি হৈ থকা হিংসা আৰু হাহাকাৰৰ ঘটনাৰ বিষয়ে সকলোৱে জ্ঞাত। বহু হিংসাত্মক ঘটনা সংঘটিত হৈ যায় ৰাজ্যখনত। পাছে এইবাৰ মণিপুৰৰ পাছত আন এখন উত্তৰপূৱৰ ৰাজ্যত হাহাকাৰ। দুটা ফৈদ তথা দুটা সম্প্ৰদায়ৰ মাজত হিংসাত্মক ঘটনা।
এইবাৰ অসমৰ চুবুৰীয়া ৰাজ্য ত্ৰিপুৰাত হাহাকাৰ। ত্ৰিপুৰাৰ উত্তৰ জিলাৰ এখন গাঁৱত ব্যাপক হুলস্থুলৰ সৃষ্টি হৈছে। মঙলবাৰে মন্দিৰ আৰু মছজিদক লক্ষ্য কৰি লৈছিল উত্তেজিত জনতাই। ইয়াৰ পিছতে দুয়োটা সম্প্ৰদায়ৰ মাজত সাম্প্ৰদায়িক উত্তেজনা বিয়পি পৰে। এই হিংসাত্মক ঘটনা শাম কটোৱাৰ বাবে এতিয়া ৰাজ্যখনৰ প্ৰশাসনে মোবাইল ইণ্টাৰনেট সেৱা স্থগিত ৰাখে। ৰাজ্যখনত ৭২ ঘণ্টাৰ বাবে ইণ্টাৰনেট সেৱা স্থগিত।
ৰাজ্যখনৰ পানীসাগৰ মহকুমাৰ দুৰ্গম গাঁও পেকুৰচেৰাত উত্তেজনা বিৰাজ কৰিছে। গৃহ সচিব পি.কে. চক্ৰৱৰ্তীয়ে আনুষ্ঠানিক অধিসূচনাযোগে কয় যে উত্তৰ ত্ৰিপুৰা জিলাৰ একাংশ অঞ্চলত সাম্প্ৰদায়িক উত্তেজনাৰ বাবে অহা ৭২ ঘণ্টাৰ বাবে এছএমএছ আৰু মোবাইল ইণ্টাৰনেট সেৱা বন্ধ কৰি দিয়া হৈছে।
আৰক্ষী সঞ্চালক প্ৰধান অমিতাভ ৰঞ্জনে এক নিৰ্দেশনাত কয় যে, শিৱ মন্দিৰ আৰু মছজিদত ৰাইজে আক্ৰমণ চলাইছে আৰু ক্ৰমাৎ উত্তেজনা বৃদ্ধি পোৱাৰ মাজতে আৰক্ষী অধীক্ষক ভানুপদ চক্ৰৱৰ্তীক তাৎক্ষণিকভাৱে কাৰ্যকৰীভাৱে আঁতৰাই আৰক্ষী মুখ্য কাৰ্যালয়ত সংলগ্ন কৰা হৈছে। সহকাৰী আৰক্ষী মহাপৰিদৰ্শক (আইন-শৃংখলা) অনন্ত দাসে জনোৱা মতে, পৰৱৰ্তী নিৰ্দেশ পৰ্যন্ত ধলাই জিলাৰ আৰক্ষী অধীক্ষক অবিনাশ ৰায়ে সেই জিলাৰ দায়িত্ব ল’ব।
এই ঘটনা সেই সময়ত সংঘটিত হৈছে, যি সময়ত কিছুদিন পূৰ্বে দুৰ্গা পূজাৰ চান্দাক লৈ দুটা সম্প্ৰদায়ৰ মাজত সংঘৰ্ষ হৈছিল, য’ত এজন লোকৰ মৃত্যু হোৱাৰ বিপৰীতে ১৭ জন লোক আহত হৈছিল। গুলীবিদ্ধ হৈ লোকজনৰ মৃত্যু হৈছিল। গুলি লাগি মৃত্যু হৈছিল লোকগৰাকীৰ।
পূজাৰ বাবে চান্দা সংগ্ৰহক লৈ কদমতলাত এই সংঘৰ্ষ হৈছিল। কদমতলাৰ সেই স্পৰ্শকাতৰ অঞ্চলত অসম ৰাইফলছ আৰু ত্ৰিপুৰা ষ্টেট ৰাইফলছৰ জোৱান মোতায়েন কৰা হৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
