কাইলৈ ৯ ছেপ্টেম্বৰ ২০২৫ মঙলবাৰে চন্দ্ৰই দিনজুৰি মীন ৰাশিত গোচৰ কৰিব৷ বৈদিক পঞ্জিকাই কৈছে কাইলৈ ভাদৰ কৃষ্ণা দ্বিতীয়া তিথি৷ জ্যোতিষ গণনা অনুসৰি কাইলৈ থাকিব বৃদ্ধি যোগ আৰু গণ্ড যোগৰ প্ৰভাৱ৷ কাইলৈ থাকিব উত্তৰ ভাদ্ৰপদ নক্ষত্ৰ আৰু ৰেৱতী নক্ষত্ৰৰ প্ৰভাৱো৷ এই সকলো যোগৰ প্ৰভাৱত কাইলৈ দিনটো বিশেষ মাহাত্ম্যপূৰ্ণ হব৷ হিন্দুধৰ্মত মঙলবাৰ হৈছে বজৰংবলীৰ প্ৰিয় দিন৷ জ্যোতিষ গণনা অনুসৰি কাইলৈ কোন কোন ৰাশিৰ জাতকৰ জীৱনলৈ প্ৰচুৰ সুখ সাফল্য আহিব? জানি থওক কাইলৈৰ ভাগ্যবান ৰাশিৰ তালিকাত কোন কোন আছে?
বৃষ ৰাশি
কাইলৈ ৯ ছেপ্টেম্বৰত ভাগ্য খুলিব বৃষ ৰাশিৰ জাতকৰ৷ বজৰংবলীৰ কৃপাত শত্ৰুৰ ষড়যন্ত্ৰৰ পৰা মুক্তি পাব৷ কোনো সম্পত্তিৰ লেনদেন কৰিব খুজিলে কাইলৈৰ দিনটো আপোনাৰ বাবে শুভ৷ দাম্পত্য জীৱনত প্ৰেম থাকিব৷ প্ৰয়োজনত জীৱনসংগীক কাষত পাব৷ যিসকল অবিবাহিত তেওঁলোকৰ বিবাহৰ কথা আগুৱাব পাৰে৷
কৰ্কট ৰাশি
কাইলৈ বৃদ্ধি যোগৰ শুভ প্ৰভাৱ পাব কৰ্কট ৰাশিৰ জাতকে৷ সকলো ধৰণৰ আনন্দ আপুনি লাভ কৰিব৷ ঘৰ বা বাহন ক্ৰয়ৰ দীৰ্ঘদিনীয়া ইচ্ছা পূৰণ হব পাৰে৷ পেছাগত জীৱনত কিছু পজিটিভ প্ৰভাৱ লক্ষ্য কৰিব৷ কাইলৈ আপুনি যিমান পৰিশ্ৰম কৰিব তাৰ সম্পূৰ্ণ ফল লাভ কৰিব৷ কোনো ভাল চাকৰিৰ প্ৰস্তাৱ পাব পাৰে৷
তুলা ৰাশি
গণ্ড যোগৰ প্ৰভাৱত কাইলৈ ধন লাভ কৰিব পাৰে তুলা ৰাশিৰ জাতকে৷ কাইল আৰ্থিক পৰিস্থিতিৰ উন্নতি হব৷ সকলো কামতেই প্ৰচুৰ সাফল্য লাভ কৰিব৷ পৰিয়ালৰ সৈতে আনন্দেৰে সময় কটাব পাৰিব৷ ইয়াৰ ফলত মনত সুখ থাকিব৷ যিসকলে নতুন চাকৰি বিচাৰি আছে তেওঁলোকেও সুখবৰ পাব৷ কাৰ্যালয়ত সহকৰ্মীৰ সৈতে সম্পৰ্ক ভালে থাকিব৷
ধনু ৰাশি
কাইলৈ ৰেৱতী নক্ষত্ৰত হনুমানৰ আশীৰ্বাদ বৰ্ষিত হব ধনু ৰাশিৰ জাতকৰ ওপৰত৷ ধৰ্মীয় বিষয়ত কাইলৈ আগ্ৰহী হৈ উঠিব৷ ঘৰত কোনো শুভ অনুষ্ঠানৰ আয়োজন হব পাৰে৷ ধনুৰ জাতকৰ ব্যৱহাৰ কিছু উগ্ৰ হৈ উঠিব পাৰে৷ আপোনাৰ আচৰণ কাইলৈ কিছু নৰম ৰাখক৷ কৰ্মক্ষেত্ৰত লাভৱান হব৷
কুম্ভ ৰাশি
বৃদ্ধি যোগৰ শুভ প্ৰভাৱ বৰ্তি থাকিব কুম্ভ ৰাশিৰ জাতকৰ ওপৰত৷ কাইলৈ সমাজত বহুতৰে সৈতে মিলামিছা হব আপোনাৰ৷ সকলোৰে সৈতে ভাল সম্পৰ্ক বৰ্তি থাকিব৷ নিজৰ সকলো অসম্পূৰ্ণ কাম সম্পূৰ্ণ কৰিব পাৰিব৷ মানসিক চাপমুক্ত হৈ কাইলৈৰ দিনটো কটাব৷ নিজৰ লক্ষ্য পূৰণ কৰিব পাৰিব৷ হঠাৎ কিছু ধন হাতলৈ আহিব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
