বিয়াৰ দুদিনৰ পিছতে আইনী সমস্যাৰ সন্মুখীন হৈছে দক্ষিণৰ জনপ্ৰিয় অভিনেত্ৰী নয়নতৰা৷ দুদিনমান পূৰ্বে দক্ষিণৰ চলচ্চিত্ৰ পৰিচালক বিগনেশ শিৱানীৰ সৈতে বিবাহপাশত আৱদ্ধ হৈছিল নয়নতৰা৷
প্ৰায় ছবছৰীয়া লিভ-ইনৰ পিছত প্ৰেমিক যুগলে বিবাহপাশত আৱদ্ধ হৈয়ে কেনেকৈ আইনী মেৰপাকত সোমাই পৰিল টলিউদৰ এই নৱদম্পতীয়ে?
আচলতে বিবাহ অনুষ্ঠান সমাপনৰ পিছতে নৱদম্পতীহালে যোৱা ১০ জুনত তিৰুমলাৰ তিৰুপতি মন্দিৰত প্ৰাৰ্থনা কৰিবলৈ গৈছিল৷ কটকটীয়া নিৰপত্তাৰ মাজতে দম্পতীহালে তিৰুপতি মন্দিৰত পূজা আগবঢ়াই প্ৰাৰ্থনা কৰি আহে৷
লগতে পঢ়ক ৪ ভৰি ৪ হাতৰ বিহাৰৰ কন্যা শিশুক নতুন জীৱন প্ৰদান অভিনেতা চুনু ছুডৰ
কিন্তু ইয়াৰ পিছতে দম্পতীহালৰ অথন্তৰ সন্মুখীন হয়৷ দম্পতীহালে তিৰুপতি মন্দিৰত সেৱা কৰিবলৈ যাওঁতে জোতা পিন্ধি প্ৰৱেশ কৰা বুলি জানিব পৰা গৈছে৷ ইতিমধ্যে ফ’টো আৰু ভিডিঅ’বোৰটো সেই দৃশ্য স্পষ্ট হৈ পৰিছে৷
ইয়াৰ পিছতে ঘটনাৰ সন্দৰ্ভত মন্দিৰৰ কৰ্তৃপক্ষই প্ৰতিক্ৰিয়া প্ৰকাশ কৰিছে৷ মন্দিৰৰ নিৰাপত্তা বিষয়াই কয় যে দম্পতীহালে জোতা পিন্ধি মন্দিৰত প্ৰৱেশ কৰি অপৰাধ কৰিছে৷
‘‘নয়নতৰাই খালী ভৰিৰে নহয়, জোতা পিন্ধি তিৰুমলা তিৰুপতি মন্দিৰত সোমাইছিল৷ যিটো এটা জঘন্য অপৰাধ৷’’ মন্দিৰৰ মুখ্য নিৰাপত্তা বিষয়া নৰসিংহ কিশোৰে দাবী কৰি কয়৷
লগতে পঢ়ক কথমপি প্ৰাণৰক্ষা অভিনেতা চলমান খানৰ : শ্বাৰ্পশ্বুটাৰেৰে হত্যাৰ পৰিকল্পনা ফাদিল
অভিনেত্ৰীগৰাকীয়ে মন্দিৰৰ ৰাস্তাত খোজকাঢ়ি যোৱা ছবি আৰু ভিডিঅ’টোত ভৰিত জোতা পিন্ধি থকা দেখা গৈছে আৰু সেই অভিযোগৰ ভিত্তিত নৱবিবাহিত দম্পতীহাললৈ এখন আইনী জাননী প্ৰেৰণ কৰা হৈছে।
ইফালে আইনী জাননী লাভ কৰাৰ পিছতে নিজৰ দোষ স্বীকাৰ কৰি সংবাদমেলত ঘটনা সন্দৰ্ভত ৰাজহুৱাভাৱে ক্ষমা ভিক্ষা কৰে দক্ষিণৰ অভিনেত্ৰীগৰাকীয়ে।
আনহাতে, অভিনেত্ৰী নয়নতৰাই দোষ স্বীকাৰ কৰি ক্ষমা খুজিলেও তিৰুপতি মন্দিৰ কৰ্তৃপক্ষই তেওঁ আইনী ব্যৱস্থাৰ সন্মুখীন হ’ব লাগিবই বুলি জানিবলৈ দিয়ে।
লগতে পঢ়ক ভাত খাই ভাল পোৱা সকলৰ বাবে ভাল খবৰ! ভাত খালেও বৃদ্ধি নহয় ওজন, মানি চলক এই নিয়ম…
উল্লেখ্য যে যোৱা ৯ জুনত মহাবলীপুৰমৰ এখন বিলাসী হোটেলত পৰিয়াল আৰু ঘনিষ্ঠ বন্ধু-বান্ধৱীৰ সৈতে বিবাহপাশত আবদ্ধ হৈছিল নয়নতৰা আৰু বিগনেশে। ৮ বছৰীয়া প্ৰেমৰ অন্তত তেওঁলোকৰ বহু প্ৰত্যাশিত বিবাহখন সম্পন্ন হৈ যায়।
ইয়াৰ পিছতে তেওঁলোকে আশীৰ্বাদ বিচাৰি বালাজীলৈ গৈছিল। ইয়াৰ ছবি আৰু ভিডিঅ’ ইণ্টাৰনেটত ভাইৰেল হোৱাৰ পিছতে নৱ দম্পতীহালে বিপদত পৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
