দাঁতৰ বিষ এনে এক সমস্যা, যিয়ে মুহূৰ্তৰ ভিতৰতে দৈনন্দিন জীৱন ব্যাহত কৰি তুলিব পাৰে। দাঁতৰ ক্ষয়, মাৰিৰ সংক্ৰমণ, দাঁতৰ ফাঁকত খাদ্য আবদ্ধ হৈ থকা, বুদ্ধি দাঁত ওলোৱা বা স্নায়ুৰ সমস্যাৰ বাবে দাঁতৰ বিষ হ’ব পাৰে। যদিও তীব্ৰ বা দীঘলীয়া দাঁতৰ বিষৰ ক্ষেত্ৰত দন্ত চিকিৎসকৰ পৰামৰ্শ লোৱাটো অতি জৰুৰী, তথাপিও চিকিৎসকৰ ওচৰলৈ যোৱাৰ আগলৈকে কিছুমান ঘৰুৱা উপায়ে সাময়িকভাৱে বিষ কমোৱাত সহায় কৰিব পাৰে।
নিমখ মিহলি কুহুমীয়া পানীৰে কুলকুলি কৰক
দাঁতৰ বিষ কমোৱাৰ আটাইতকৈ সহজ আৰু কাৰ্যকৰী উপায় হ’ল কুহুমীয়া পানীত আধা চামুচ নিমখ মিহলাই গাৰ্গল কৰক। ই মুখৰ বেক্টেৰিয়া হ্ৰাস কৰাত সহায় কৰাৰ লগতে মাৰিৰ ফুলি থকা অংশৰ অস্বস্তিও কিছু কমাব পাৰে।
লং ব্যৱহাৰ কৰক
লৱঙত থকা Eugenol নামৰ প্ৰাকৃতিক উপাদানটোৱে বিষ কমোৱা আৰু জীৱাণুনাশক গুণ বহন কৰে। এটা লৱঙ বিষ হোৱা দাঁতৰ কাষত কিছু সময় ৰাখিব পাৰে অথবা লৱঙৰ তেল এক-দুই টোপাল তুলাত লৈ আক্ৰান্ত অংশত হালকাকৈ লগাব পাৰে। অৱশ্যে লৱঙৰ তেল পোনপটীয়াকৈ অধিক পৰিমাণে ব্যৱহাৰ নকৰিব।
হালধি ব্যৱহাৰ কৰক
হালধি দাঁতৰ বিষ দূৰ কৰাত উত্তম। ইয়াৰ ঔষধি গুণৰ বাবে আয়ুৰ্বেদত যথেষ্ঠ জনপ্ৰিয়। হালধিৰ অন্যতম পৰিচিত উপাদান হ’ল এলিচিন, যাৰ এন্টিবেক্টেৰিয়েল আৰু এন্টিমাইক্ৰ’বিয়াল গুণ আছে। দাঁতৰ বিষৰ বাবে দায়ী কিছুমান বীজাণু ধ্বংস কৰাত হালধি অতি ফলপ্ৰসূ।
দাঁতৰ ফাঁক ভালদৰে পৰিষ্কাৰ কৰক
কেতিয়াবা দাঁতৰ মাজত খাদ্য আবদ্ধ হৈ থাকিলেও বিষ হ’ব পাৰে। নৰম ব্ৰাছ আৰু ডেণ্টেল ফ্লছ ব্যৱহাৰ কৰি দাঁতৰ মাজৰ অংশ পৰিষ্কাৰ কৰিলে অস্বস্তি কমিব পাৰে।
পদিনা চাহ বা পদিনা পাত
পদিনাৰ পাত বা পদিনা চাহে মুখত শীতল অনুভূতি দিয়ে। ঠাণ্ডা হোৱা পদিনা টি-বেগ বিষ হোৱা ঠাইত কিছু সময় ৰাখিলে সাময়িক আৰাম পোৱা সম্ভৱ।
হালধি আৰু মৌৰ মিশ্ৰণ
হালধিত প্ৰদাহবিৰোধী গুণ থাকে। অলপ হালধি গুৰি আৰু মৌ মিহলাই পেষ্ট তৈয়াৰ কৰি বিষ হোৱা মাৰিৰ অংশত লগালে কিছু সকাহ পাব পাৰে। অৱশ্যে এই পদ্ধতি সকলোৰে বাবে সমান ফলপ্ৰসূ নহ’বও পাৰে।
অতি গৰম, ঠাণ্ডা বা মিঠা খাদ্য পৰিহাৰ কৰক
দাঁতৰ বিষ থাকোঁতে বৰ গৰম, বৰ ঠাণ্ডা, টেঙা বা অতিমাত্ৰা মিঠা খাদ্য খালে বিষ বৃদ্ধি পাব পাৰে। এই সময়ছোৱাত নৰম আৰু কুহুমীয়া খাদ্য গ্ৰহণ কৰাই ভাল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
