কেন্দ্ৰীয় চৰকাৰে কৰ্মচাৰীসকলৰ বাবে এক বৃহৎ ঘোষণা কৰিছে৷ যাৰ ফলত কৰ্মচাৰীসকলে লাভ কৰিব বৃহৎ আৰ্থিক সকাহ৷
কেন্দ্ৰীয় চৰকাৰে কেন্দ্ৰীয় কৰ্মচাৰীসকলে বেংকৰ পৰা লোৱা বিল্ডিং এডভান্স (HBA) অৰ্থাৎ হোম লোনৰ সুতৰ হাৰ ৭.৯ শতাংশৰ পৰা ৭.১ শতাংশলৈ হ্ৰাস কৰিছে৷
কৰ্মচাৰীসকলক গৃহ নিৰ্মাণত সকাহ প্ৰদান কৰিবলৈ চৰকাৰে এই ঘোষণা কৰি এক অধিসূচনাও জাৰি কৰিছে৷ কেন্দ্ৰীয় চৰকাৰৰ এই সিদ্ধান্তৰ ফলত কৰ্মচাৰীসকলে বৃহৎ আৰ্থিক সকাহ লাভ কৰিব।
লগতে পঢ়ক ভাৰতৰ বাহিৰে বিশ্বৰ এখন আগশাৰী দেশত হোৰাহোৰে বৃদ্ধি হৈছে হিন্দুৰ জনসংখ্যা
চৰকাৰৰ এই সিদ্ধান্তৰ অধীনত ২০২২ চনৰ ১ এপ্ৰিলৰ পৰা ২০২৩ চনৰ ৩১ মাৰ্চলৈ চৰকাৰে বেংকৰ পৰা গৃহ নিৰ্মাণ, ক্ৰয় কৰাৰ বাবে লোৱা হোম লোন পৰিশোধ কৰিবলৈ কৰ্মচাৰীসকলক দিয়া অগ্ৰিম ধনৰ সুতৰ হাৰ ৮০ বেছিছ পইণ্ট বৃদ্ধি কৰিছে অৰ্থাৎ ইয়াক ০.৮ শতাংশ কৰ্তন কৰা হৈছে।
ইয়াৰ ফলত এতিয়াৰে কেন্দ্ৰীয় কৰ্মচাৰীৰ নিজা ঘৰ এটা নিৰ্মাণ কৰা সপোনটো আৰু সহজ হৈ পৰিব। কৰ্মচাৰীসকলে ২০২৩ চনৰ ৩১ মাৰ্চলৈকে ইয়াৰ সুবিধা ল’ব পাৰিব।
কিমান হাৰত অগ্ৰিম ধন পাব?
গৃহ নিৰ্মাণ আৰু নগৰ পৰিক্ৰমা মন্ত্ৰালয়ৰ কাৰ্যালয়ে জাৰি কৰা অধিসূচনাত কোৱা হৈছে চৰকাৰৰ এই ঘোষণাৰ পিছত এতিয়া কৰ্মচাৰীসকলে ৩১ মাৰ্চ, ২০২৩ লৈকে বছৰি ৭.১ শতাংশ হাৰত আগধন ল’ব পাৰিব ।
লগতে পঢ়ক নাৰীসকল সাৱধান হওক! অসুৰক্ষিত যৌন সম্পৰ্কৰ বাবেই আক্ৰান্ত হ’ব পাৰে কেন্সাৰত!
চৰকাৰে দিয়া এই বিশেষ সুবিধাৰ অধীনত কেন্দ্ৰীয় কৰ্মচাৰীয়ে দুই ধৰণে অৰ্থাৎ ৩৪ মাহ পৰ্যন্ত বা সৰ্বাধিক ২৫ লাখ টকা পৰ্যন্ত তেওঁলোকৰ বেছিক দৰমহা অনুযায়ী আগধন ল’ব পাৰিব।
উল্লেখযোগ্য যে কেন্দ্রীয় চৰকাৰে নিজৰ কর্মচাৰীক হাউচ বিল্ডিং এডভান্স দিয়ে৷ ইয়াত কৰ্মচাৰীয়ে নিজাববীয়াকৈ বা পত্নীৰ গৃহ নিৰ্মাণ কৰিবলৈ আগধন ল’ব পাৰে।
এই আঁচনিখন ২০২০ চনৰ ১ অক্টোবৰৰ পৰা আৰম্ভ কৰা হৈছিল আৰু ইয়াৰ অধীনত ২০২৩ চনৰ ৩১ মাৰ্চলৈকে কেন্দ্ৰীয় চৰকাৰে নিজৰ কৰ্মচাৰীসকলক ৭.১% সুতৰ হাৰত গৃহ নিৰ্মাণৰ আগধন দিয়া হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
