কেন্দ্ৰীয় চৰকাৰৰ কৰ্মচাৰীসকলৰ বাবে আহিছে দুটা অতি ভালৰ খবৰ! জুলাই মাহত চৰকাৰে ৪ শতাংশ ডি এ বৃদ্ধি কৰাৰ সম্ভাৱনা আছে। ইয়াৰ বাহিৰেও কেন্দ্রীয় চৰকাৰে কর্মচাৰীসকলৰ বাবে এপ্ৰাইজেল উইণ্ড’ মুকলি কৰিছে৷ ইয়াৰ লগতে চৰকাৰে আৰম্ভ কৰিছে কৰ্মচাৰীৰ পদোন্নতিৰ প্ৰক্ৰিয়াও।
এছ’চিয়েট ৱেবছাইট জি বিজনেছৰ সূত্ৰ অনুসৰি, কেন্দ্ৰীয় কৰ্মচাৰীসকলৰ বাবে মূল্যায়ন উইণ্ড’ মুকলি কৰা হৈছে। এই উইণ্ড’খন ৩০ জুনলৈকে খোলা আছিল। নিৰ্ধাৰিত তাৰিখৰ ভিতৰত কৰ্মচাৰীসকলে আত্মমূল্যায়ন পূৰণ কৰি ৰিপৰ্ট কৰা বিষয়ালৈ প্ৰেৰণ কৰিব লাগিব। কৰ্মচাৰীসকলে পূৰণ কৰা আত্মমূল্যায়নৰ ওপৰত বিষয়াই দিয়া ৰেটিংৰ ওপৰতহে পদোন্নতিৰ সিদ্ধান্ত লোৱা হ’ব।
ইপিএফঅ’ৰ সূত্ৰই জনোৱা মতে, বাৰ্ষিক কৰ্মক্ষমতা মূল্যায়ন প্ৰতিবেদন (এপিএআৰ) মডিউল প্ৰস্তুত কৰা হৈছে। অতি সোনকালে অনলাইন উইণ্ড’টোও আৰম্ভ হ’ব। ইয়াৰ পিছত চূড়ান্ত মূল্যায়ন প্ৰেৰণ কৰা হ’ব। মূল্যায়ন চক্ৰত আহিব কেন্দ্ৰৰ সকলো কৰ্মচাৰী। গ্ৰুপ এ, গ্ৰুপ বি আৰু গ্ৰুপ চি কৰ্মচাৰীৰ বাবেও মূল্যায়ন উইণ্ড’ মুকলি হৈছে।
লগতে পঢ়ক জনতাৰ মূৰত আকৌ মাধমাৰ মোদী চৰকাৰ! বৃদ্ধি পালে ঘৰুৱা ৰন্ধন গেছৰ মূল্য
২০২১-২২ বিত্তীয় বৰ্ষৰ বাৰ্ষিক মূল্যায়নৰ দিন তেনেই ওচৰ চাপিছে। অহা ৩১ জুলাইৰ ভিতৰত বাৰ্ষিক মূল্যায়ন সম্পূৰ্ণ কৰিব লাগিব। কৰ্মী আৰু প্ৰশিক্ষণ বিভাগৰ মতে এ, বি আৰু চি গ্ৰেডৰ বাৰ্ষিক কৰ্মক্ষমতা মূল্যায়ন প্ৰতিবেদন (এপিএআৰ)ৰ বাবে উইণ্ড’ মুকলি কৰা হৈছে। ইয়াৰ লগতে কৰ্মচাৰী সকলৰ APARৰ সময় থকাৰ বাবে APR ৰ সুবিধাও লাভ কৰিব।
৩১ জুলাইৰ ভিতৰত মূল্যায়ন প্ৰক্ৰিয়া সম্পূৰ্ণ হ’ব
সূত্ৰসমূহে দাবী কৰিছে যে ড’পিটিয়ে কেন্দ্ৰীয় কৰ্মচাৰীসকললৈ অনলাইন প্ৰ-পত্ৰ প্ৰেৰণ কৰিছে। লগতে মূল্যায়ন প্ৰক্ৰিয়া আৰম্ভ হৈছে। কৰ্মচাৰীসকলে প্ৰ-পত্ৰত বিচৰা তথ্যসমূহ পূৰণ কৰি ৩০ জুনৰ ভিতৰত সংশ্লিষ্ট ৰিপৰ্টিং বিষয়াক জমা দিয়া হৈছে। এই প্ৰক্ৰিয়া সম্পূৰ্ণ কৰিবলৈ ৩১ জুলাইলৈকে সময় লাগিব। যোৱা দুবছৰ ধৰি কৰ্মক্ষমতা পৰ্যালোচনাত পলম হোৱাৰ বিপৰীতে এইবাৰ সময় মতে হ’ব বুলি আশা কৰা হৈছে।
লগতে পঢ়ক ভাৰতৰ বাহিৰে বিশ্বৰ এখন আগশাৰী দেশত হোৰাহোৰে বৃদ্ধি হৈছে হিন্দুৰ জনসংখ্যা
জুলাই মাহত ৬ শতাংশ বৃদ্ধি হ’ব ডিয়াৰনেছ এলাৱেন্স!
মূল্যায়নৰ সমান্তৰালভাৱে কেন্দ্ৰীয় কৰ্মচাৰীসকলে ডিয়াৰনেছ ভাট্টাৰো সুবিধা লাভ কৰাৰ সম্ভাৱনা আছে। কেন্দ্ৰীয় কৰ্মচাৰীৰ ডিয়াৰনেছ ভাট্টা প্ৰতি বছৰে জানুৱাৰী আৰু জুলাই মাহত চৰকাৰে দুবাৰকৈ বৃদ্ধি কৰে। মাৰ্চ মাহত ঘোষণা কৰা হৈছে জানুৱাৰী মাহৰ বাবে Dearness Allowance। জুলাই মাহত ঘোষণা হ’ব পাৰে ডিয়াৰনেছ ভাট্টাৰ দ্বিতীয় কিস্তি। জুলাই মাহতে ৪ শতাংশ বৃদ্ধি পোৱাৰ কথা আছিল যদিও এ আই চি পি সূচকাংকই ডি এ ৬ শতাংশ পৰ্যন্ত বৃদ্ধি কৰিব পাৰে বুলি জল্পনা কল্পনা চলিছে, ইয়াৰ ফলত ডি এ ৪০ শতাংশলৈ বৃদ্ধি হোৱাৰ সম্ভাৱনা আছে।
যদি এ আই চি পি সূচকাংকৰ এই সকলো জল্পনা সত্য বুলি প্ৰমাণিত হয় তেনে কেন্দ্ৰীয় চৰকাৰৰ কৰ্মচাৰীৰ ডি এ ৪০ শতাংশলৈ বৃদ্ধি পোৱাটো প্ৰায় নিশ্চিত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
