ছাৰ্ভাইকেল কেন্সাৰ হৈছে বিশ্বৰ নাৰীসকলে আক্ৰান্ত হৈ অহা চতুৰ্থ সৰ্বাধিক প্ৰকাৰৰ কৰ্কট ৰোগ। লক্ষণীয় কথাটো হৈছে যে এই কৰ্কট ৰোগীসকলৰ ভিতৰত এক চতুৰ্থাংশই হৈছে ভাৰতীয় মহিলা। গড়ে প্ৰতি বছৰে ভাৰতত ১ লাখ ২২ হাজাৰৰো অধিক মহিলা এই কৰ্কট ৰোগত আক্ৰান্ত হয়।
হিউমেন পেপিলোমা ভাইৰাছ (HPV) হৈছে শৰীৰত সংক্ৰমিত হোৱা এক মাৰাত্মক ৰোগ। শৰীৰত এই ভাইৰাছ প্ৰৱেশ কৰাৰ উপৰিও ছাৰ্ভাইকেল কেন্সাৰৰ আন এটা প্ৰধান কাৰণ হ’ল অসুৰক্ষিত যৌন সম্পৰ্ক।
অৱশ্যে ২০ বছৰৰ অনুৰ্ধৰ যুৱতীসকলক এই ৰোগত আক্ৰান্ত হোৱা দেখা নাযায়৷ সাধাৰণতে ৩৬ ৰপৰা ৪২ বছৰ বয়সৰ নাৰী এই ৰোগত আক্ৰান্ত হোৱা দেখা যায়। ৬০ বছৰ বয়সৰ পিছতো কোনো মহিলা আক্ৰানত হ’ব পাৰে, কিন্তু ইয়াৰ সংখ্যা তুলনামূলকভাৱে কম হয়।
লগতে পঢ়ক বলীউড এৰি ৰাজনীতিলৈ অভিনেতা অক্ষয় কুমাৰ! কি ক’লে অক্ষয় কুমাৰে?
বিশেষজ্ঞসকলৰ মতে, ১০ বছৰ বয়সৰ পিছতহে এই ৰোগৰ প্ৰতিষেধক প্ৰদান কৰিব পাৰি। ৰোগ ধৰা পৰাৰ লগে লগে উপযুক্ত চিকিৎসা আৰম্ভ কৰাটো অতি প্ৰয়োজনীয়৷ ইয়াৰ লক্ষণে দেখা দিলে কোনো কাৰণতে লুকুৱাই ৰাখিব নালাগে৷ সঠিক সময়ত চিকিৎসা কৰিলে ছাৰ্ভাইকেল কেন্সাৰ নিৰাময় কৰিব পাৰি৷ আনহাতে পলম হ’লে এই ৰোগ মাৰাত্মক হ’ব পাৰে।
এই ধৰণৰ কৰ্কট ৰোগৰ ক্ষেত্ৰত তলত দিয়া লক্ষণবোৰ দেখা যায় —
১. বেছিভাগ ক্ষেত্ৰতে যদি ৰোগ ধৰা পৰে তেন্তে ঋতুচক্ৰৰ নিৰ্দিষ্ট সময়ৰ বাহিৰত অস্বাভাৱিক ৰক্তক্ষৰণ হয়। আন সময়ত বগা ৰঙৰ দুৰ্গন্ধযুক্ত স্ৰাৱৰ নিৰ্গমন হ’ব পাৰে।
২. যৌন সম্পৰ্কৰ পিছতে ৰক্তক্ষৰণ হ’ব পাৰে।
৩. ৰজোনিবৃত্তিৰ পিছত ৰক্তক্ষৰণ হয়।
৪. পেটৰ তলৰ অংশ, কঁকালত বিষ অনুভৱ হয়।
৫. হঠাতে ওজন কমি যোৱা, জ্বলা-পোৰা কৰা বা প্ৰস্ৰাৱ কৰাৰ সময়ত বিষ হোৱা আদিও এই ৰোগৰ লক্ষণ হ’ব পাৰে।
লগতে পঢ়ক ওফন্দি উঠা বৰাক নৈৰ মথাউৰি কাটি গ্ৰেপ্তাৰ হ’ল ধৰ্মীয় সংখ্যালঘু সম্প্ৰদায়ৰ ৪ যুৱক
এই ৰোগৰ আশংকাৰ পৰা কেনেকৈ হাত সাৰিব পাৰি?
এই সকলোবোৰ লক্ষণ দেখা দিলে পলম নকৰি চিকিৎসকৰ কাষ চাপিব লাগে। বছৰত দুবাৰকৈ পেপ স্মেয়ৰ পৰীক্ষা কৰিব লাগে। পলিচিষ্টিক ডিম্বাশয়, বন্ধ্যাত্ব থকা নাৰীসকল এই ক্ষেত্ৰত সচেতন হোৱা উচিত। জন্ম নিয়ন্ত্ৰণৰ বড়ি সেৱন কৰাৰ আগতে চিকিৎসকৰ পৰামৰ্শ ল’ব লাগে। চিকিৎসকৰ পৰামৰ্শ নোলোৱাকৈ কোনো বড়ী সেৱন কৰিব নালাগে।
পলিচিষ্টিক ডিম্বাশয় থকা নাৰীয়ে তেল আৰু মছলা পৰিহাৰ কৰি স্বাস্থ্যসন্মত জীৱন যাপনত অভ্যস্ত হোৱা উচতি। এজনতকৈ অধিক যৌন সংগী থাকিলে বা সংগী কোনো ধৰণৰ যৌন ৰোগত আক্ৰান্ত হৈছে নে নাই সেয়াও পৰীক্ষা কৰাটো জৰুৰী। যৌন সংগী সঘনাই সলনি কৰিব নালাগে, সুৰক্ষিত যৌন সম্পৰ্ক স্থাপনত গুৰুত্ব দিব লাগে৷ যৌন সম্পৰ্কৰ সময়ত কণ্ডম ব্যৱহাৰ কৰাও উচিত। ধূমপান একেবাৰে বাৰণ কৰিব লাগিব।
আনহাতে সুষম খাদ্য, ভিটামিন এ, চি সমৃদ্ধ ফল-মূল, শাক-পাচলি, খাদ্যৰ পৰিমাণ বৃদ্ধি কৰিব লাগে। পৰিষ্কাৰ-পৰিচ্ছন্নতা, শৃংখলাবদ্ধ জীৱন-যাপনৰ ওপৰত গুৰুত্ব দিব লাগে।
তদুপৰি গাৰ্ডাচিল নামৰ ভেকচিনৰ দ্বাৰা এই ৰোগ প্ৰতিৰোধ কৰিব পৰা যায়। কিন্তু মহিলাসকলে যৌন সম্পৰ্ক আৰম্ভ কৰাৰ আগতেই এই ভেকচিন গ্ৰহণ কৰিব লাগে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
