নতুন উদ্ভাৱনী ভাৱনাক লৈ এইবাৰ বিশ্বজুৰি আলোড়ন তুলিছে এলন মাস্কে৷ সম্প্ৰতি তেওঁ এক সম্ভাৱনাৰ কথা উল্লেখ কৰিছে তাতেই মাত্ৰ ৩০ মিনিটৰ ভিতৰতে মাৰ্কিন যুক্তৰাষ্ট্ৰৰ পৰা ভাৰতত উপস্থিত হোৱা সম্ভৱ হ’ব৷ এই ভাৱনা বাস্তবায়িত হ’ব পাৰে ,স্পেছ এক্সৰ ষ্টাৰছিপ প্ৰযুক্তিৰ মাধ্যমেৰে, যিয়ে পৃথিৱীৰ যিকোনো দুই প্ৰান্তৰ মাজত অতিদ্ৰুত যাতায়াত সম্ভৱ হৈ উঠিব৷ এই প্ৰযুক্তিত ছাব অৰবিটেল মহাকাশযানৰ ব্যৱহাৰ কৰিব, যিয়ে অভাৱনীত গতিত দূৰত্ব অতিক্ৰম কৰিবলৈ সক্ষম হ’ব৷
মাস্কৰ এই ধাৰণা এতিয়া পৰিকল্পনাৰ প্ৰাথমিক স্তৰত আছে৷ এই যানেই বিশ্বব্যাপী ভ্ৰমণ ব্যৱস্থাৰ বিপ্লৱ ঘটাব বুলি দাবী কৰিছে এলন মাস্কে৷ দীৰ্ঘ ভ্ৰমণৰ সময়ক কমাই আনি পৃথিৱীৰ দুৰবৰ্তী অঞ্চলসমূহক পূৰ্বতকৈ বহু বেছি সংযুক্ত কৰাৰ সম্ভাৱনা আছে৷
নিৰাপত্তা, খৰচ সম্পৰ্কে এতিয়াও কোনো তথ্য অৱশ্যে প্ৰকাশ কৰা নাই৷ যদি এয়া সফল হয় তেন্তে ভ্ৰমণৰ ক্ষেত্ৰত আৰু এক নতুন যুগৰ সূচনা হ’ব৷ তেতিয়া মহাদেশীয় ভ্ৰমণ, ঘৰুৱা ফ্লাইটৰ দৰেই সহজ হৈ উঠিব৷ এই বিষয়ে এলন মাস্কে কৈছে, বিশ্বক একেলগ কৰাৰ বাবে এই কামক তেওঁ প্ৰাধান্য দিছে৷ নিজৰ প্ৰতিষ্ঠানক সেই কাম কৰাৰ বাবে আগুৱাই দিছে৷ অতি দ্ৰুতভাৱে এই সম্ভাৱনাই বাস্তৱ ৰূপ পাব৷ যেনেকৈ তেওঁ এই কাম কৰিছে সেই সপোন সোনকালেই বাস্তৱ হ’ব৷
উল্লেখ্য যে, মাস্কে মঙ্গল গ্ৰহত মানুহৰ বসতি নিৰ্মাণৰো কথা ভাৱিছে৷ তেওঁৰ মতে আগন্তুক সময়ত মানুহে মঙ্গললৈ গৈ বসতি কৰিব৷ মঙ্গলেই হ’ব মানুহৰ পৰবৰ্তী ডেষ্টিনেছন৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
