দেশব্যাপী দীপাৱলিৰ পাঁচদিনৰ উৎসৱ আৰম্ভ হয় ধনতেৰছেৰেই৷ কাতিৰ কৃষ্ণা ত্ৰয়োদশী তিথিত পালিত হয় ধনতেৰছ বা ধন ত্ৰয়োদশী৷ এই বছৰ ধনতেৰছ পালিত হ’ব আগন্তুক শনিবাৰ ১৮ অক্টোবৰত৷ ধনতেৰছত ক্ৰয় বিক্ৰয় কৰা অত্যন্ত শুভ বুলি ধাৰণা কৰা হয়৷ এই দিনটোত সোণ, ৰূপ ক্ৰয় কৰাৰ পৰম্পৰা আছে৷ সোণ, ৰূপৰ ওপৰিও বৈদ্যুতিন সামগ্ৰী আৰু ঝাড়ুও বহুতে ধনতেৰছত ক্ৰয় কৰে৷ প্ৰচলিত বিশ্বাস যে এই দিনটোত ক্ৰয় বিক্ৰয় কৰিলে মা লক্ষ্মী তুষ্ট হয় আৰু সম্পদ আৰু সমৃদ্ধি লাভ হয়৷ বহুতে নাজানিলেও আৰু এবিধ সামগ্ৰী আপুনি এই দিনটোত ক্ৰয় কৰিব পাৰে৷ সেয়া হৈছে কড়ি৷ কড়ি ব্যৱহাৰ কৰিও ধনতেৰছত লক্ষ্মীৰ কৃপা লাভ কৰা সম্ভৱ৷ জানক কেনেকৈ?
কড়িৰে সম্পদ লাভৰ উপায়
ধনতেৰছত ঘৰত ১৩ টাকৈ চাকি জ্বলাওক৷ সন্ধিয়া ঘৰৰ ১৩ স্থানত এই ১৩ টা চাকি জ্বলাওক৷ মাজনিশা প্ৰত্যেক চাকিৰ কাষত এটাকৈ কড়ি ৰাখিব৷ ইয়াৰ ফলত সম্পদ লাভ হ’ব আৰু আৰ্থিক কষ্টৰ পৰা মুক্তি পাব বুলি ধাৰণা কৰা হয়৷
দাৰিদ্ৰতাৰ পৰা মুক্তিৰ উপায়
ধনতেৰছৰ সন্ধিয়া বটগছৰ শিঁপাত গাঁঠি মাৰক৷ ইয়াৰ মাজত পাঁচটা কড়ি ৰাখক আৰু হালধিও দিব৷ নিজৰ মূৰৰ চাৰিওফালে ইয়াক আঁঠবাৰ ঘূৰাই লওক৷ তাৰপিছতেই এই কড়ি আৰু কিছু টকা কোনো দৰিদ্ৰ ব্যক্তিক দান কৰক৷ ইয়াৰ ফলত আপুনি দাৰিদ্ৰতাৰ পৰা মুক্তি পাব৷ হঠাৎ অৰ্থ আৰু সম্পত্তি লাভ কৰিব পাৰে৷
চাকৰি আৰু ব্যৱসায়ত সাফল্য
তন্ত্ৰশাস্ত্ৰ অনুসৰি ধনতেৰছৰ নিশা ১৩ টা ঘিৰ প্ৰদীপ জ্বলাওক৷ প্ৰত্যেকটো প্ৰদীপত এটাকৈ কড়ি দিয়ক৷ ইয়াৰপাছতেই প্ৰদীপসমূহ ঘৰৰ চোতালত ৰাখক৷ গভীৰ নিশা প্ৰদীপ নুমাই গলে কড়িকেইটা উঠাই কোনো কোণত পুঁতি থব৷ ইয়াৰ ফলত চাকৰি আৰু ব্যৱসায়ত সকলো বাধাৰ পৰা মুক্তি পাব৷ কেৰিয়াৰত উন্নতি হ’ব আৰু আৰ্থিকভাৱেও লাভৱান হ’ব৷
মা লক্ষ্মীৰ আশীৰ্বাদ
ধনতেৰছত লক্ষ্মী পূজা কৰাৰ সময়ত প্ৰদীপত এটা কড়ি অৱশ্যেই ৰাখক৷ পূজাৰ পাছত সকলো নিয়ম মানি আৰতি কৰক৷ প্ৰদীপ ঠাণ্ডা হ’লে কড়ি লৈ আলমাৰিত ৰাখক৷ ইয়াৰ ফলত মা লক্ষ্মীৰ আশীৰ্বাদ লাভ কৰিব আৰু আপোনাৰ সংসাৰত সম্পদ আৰু সমৃদ্ধিৰ অভাৱ কেতিয়াও নহয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
