অন্ধ্ৰ প্ৰদেশৰ বিশাখাপট্টনমৰ এটা তীখা উদ্যোগত সংঘটিত হয় ভয়ংকৰ অগ্নিকাণ্ড। এই ঘটনাৰ ফলত ৮ জন লোকৰ মৃত্যু হয়। উদ্যোগটোৰ এছএমএছ-২ আৰু এছটিচি-৩ তাপ সুবিধাৰ পৰা বৃহৎ পৰিমাণৰ গলিত তীখা লিক হোৱাৰ ফলত ৮ জন শ্ৰমিকৰ মৃত্যু হোৱাৰ লগতে কেইবাজনো আহত হয়। উচ্চ উষ্ণতাৰ গলিত তীখাৰে ভৰ্তি লেডল ফাটি যোৱাত সংঘটিত হয় এই দুৰ্ঘটনা। দুৰ্ঘটনাৰ পিছত আতংক বিয়পি পৰে, শ্ৰমিক আৰু বিষয়াসকলে প্ৰাণ ৰক্ষাৰ বাবে দৌৰিবলৈ আৰম্ভ কৰে। কিন্তু ঘটনাস্থলীত উপস্থিত হৈ তীখা উদ্যোগৰ শ্ৰমিকসকলে জুই নিয়ন্ত্ৰণ কৰিব নোৱাৰিলে।
খবৰ অনুসৰি তীখা উদ্যোগটোৰ এছএমএছ-২ আৰু এছটিচি-৩ হিট প্ৰচেছিং ইউনিটত সংঘটিত হয় এই দুৰ্ঘটনা। উতলি থকা তৰল তীখা ক্ৰেন ব্যৱহাৰ কৰি তুলি লোৱা হৈছিল। খবৰ অনুসৰি ১৫০০ ডিগ্ৰী চেলছিয়াছতকৈ অধিক উষ্ণতাত উতলি থকা এই ধাতুৰ তৰল পদাৰ্থটো থকা লেডলটো হঠাতে নিয়ন্ত্ৰণহীন হৈ দোল খাইছিল, যাৰ ফলত উতলি থকা গৰম তীখাটো তাত কাম কৰা শ্ৰমিকসকলৰ ওপৰত পৰি যায়। তীখা উদ্যোগটোৰ অগ্নিনিৰ্বাপক বাহিনীয়ে জুই নিয়ন্ত্ৰণৰ চেষ্টা চলাইছে। অৱশ্যে এই ঘটনাৰ সময়ত কেইবাজনো শ্ৰমিক আহত হোৱাৰ বিপৰীতে আন কিছুমানে তৰল তীখা পৰি পৰাত ভয়তে পলায়ন কৰে।
১৬০০ ডিগ্ৰীৰ গলিত তীখাৰ সৈতে কাম কৰি থকা শ্ৰমিক সকলৰ অগ্নিকাণ্ডত চিনিব নোৱাৰা হৈ ছিন্ন-বিচ্ছিন্ন হৈ পৰে শৰীৰ।বিগত বৰ্ষত তীখা উদ্যোগটোক ১১৪৪০ কোটি টকা দিছিল ভাৰত চৰকাৰে। ঘটনাৰ পিছতে বন্ধ হোৱাৰ উপক্ৰম RINL নামৰ উদ্যোগটো।
(এই প্ৰতিবেদন যুগুত কৰিছে বৰষা মিশ্ৰই)
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
