শপত গ্ৰহণৰ পাছতে পুনৰ ডিব্ৰুগড় কেন্দ্ৰীয় কাৰাগাৰলৈ অমৃতপাল সিং
লোকসভাৰ সাংসদ হিচাপে শপত গ্ৰহণ কৰিছে খালিস্তানৰ সমৰ্থক অমৃতপল সিঙে। পঞ্জাৱৰ খাদুৰ চাহাবৰ লোকসভাৰ সাংসদ অমৃতপালক অসমৰ ডিব্ৰুগড় কাৰাগাৰৰ পৰা দিল্লীলৈ নিয়া হৈছিল শপত ল’বলৈ। শপত গ্ৰহণ কৰাৰ পিছত পুনৰ দিল্লীৰ পৰা ডিব্ৰুগড় কেন্দ্ৰীয় কাৰাগাৰলৈ অনা হৈছে।
খালিস্তানৰ সমৰ্থক অমৃতপল সিঙৰ শপত গ্ৰহণৰ বাবে বিশেষ নিৰাপত্তাৰ ব্যৱস্থা কৰা হয়। অমৃতপাল সিঙক অসমৰ পৰা পোনপটীয়াকৈ নতুন দিল্লীলৈ বিমানযোগে নিয়া হৈছিল। ইয়াৰ পিছতে অধ্যক্ষ ওম বিৰলাই তেওঁক লোকসভাৰ সদস্য হিচাপে শপত গ্ৰহণ কৰে।
উল্লেখ্য যে, ন্যায়ালয়ে অমৃতপালক লোকসভাৰ সাংসদ হিচাপে শপত ল’বলৈ ৪ দিনৰ পেৰ’ল তথা জামিন দিছিল। এই সময়ছোৱাত আদালতে কিছুমান চৰ্তও আৰোপ কৰি দিছিল। আদালতে নিজৰ আদেশত কৈছিল যে অমৃতপাল দিল্লীত থকাৰ সময়ছোৱাত সংবাদ মাধ্যমত তেওঁৰ পৰিয়াল বা আত্মীয়ৰ কোনো বক্তব্য নিদিয়ে। পঞ্জাৱ আৰক্ষীয়ে ২৩ এপ্ৰিলত অমৃতসৰৰ পৰা অমৃতপালক গ্ৰেপ্তাৰ কৰিছিল।
ইয়াৰ পূৰ্বে ‘ৱাৰিছ পঞ্জাব দে’ৰ মুৰব্বী তথা খাদুৰ চাহাব লোকসভাৰ আসনৰ নিৰ্দলীয় সাংসদ অমৃতপল সিঙৰ মাতৃ বলৱিন্দৰ কৌৰে কয়, ‘সকলো সমৰ্থকক অভিনন্দন জনাইছো। অমৃতপালকো জুন মাহত আন সাংসদৰ সৈতে লোকসভাৰ সাংসদ হিচাপে শপত ল’বলৈ দিয়া উচিত আছিল। অমৃতপালে লোকসভাৰ সাংসদ হিচাপে শপত লোৱাৰ বাবে সমৰ্থকসকল অতি সুখী। তাক জেলৰ পৰা মুকলি কৰি দিবলৈ চৰকাৰক অনুৰোধ জনালোঁ।
উল্লেখযোগ্য যে লোকসভা নিৰ্বাচনত অমৃতপল সিঙে কংগ্ৰেছ প্ৰাৰ্থী কুলবিৰ সিং জিৰাক পৰাস্ত কৰিছিল ৷ নিৰ্দলীয় প্ৰাৰ্থী হিচাপে অমৃতপালে খাদুৰ চাহাবৰ আসনত ১.৯৭ লাখ ভোটত জয়লাভ কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
