ৰশ্মিকা মাণ্ডান্না৷ দক্ষিণৰ মোহময়ী অভিনেত্ৰী৷ দক্ষিণৰ ছবি জগতত প্ৰৱেশ কৰিয়ে অতি কম দিনৰ ভিতৰতে সমগ্ৰ দেশজুৰি যুৱপ্ৰজন্মৰ ক্ৰাছ হৈ উঠিল এই অভিনেত্ৰী গৰাকী৷
ইফালে দক্ষিণৰ ছবিত কৰা অভিনয়েৰে চলচ্চিত্ৰমোদীৰ হৃদয়ও খুম কম সময়ৰ ভিতৰতে জিনিছে ৰশ্মিকাই৷ শেহতীয়াকৈ আল্লু অৰ্জুনৰ সৈতে পুষ্পাত কৰা অভিনয়ৰ বাবে পুনৰ লাইমলাইটত সদা বিৰাজমান হৈ থকা ৰশ্মিকাই বলিউদটো খোজ পেলাইছে৷
কিন্তু অতি শেহতীয়াকৈ ৰশ্মিকাই বলিউদ অথবা পুষ্পাৰ বাবে চৰ্চালৈ অহা নাই৷ অভিনেত্ৰী গৰাকী প্ৰেমৰ সম্পৰ্কৰ বাবে এতিয়া চৰ্চালৈ আহিছে৷ সম্প্ৰতি মুম্বাইত ৰশ্মিকাক প্ৰেমিকৰ সৈতে দেখা গৈছে বুলিও চৰ্চা লাভ কৰিছে৷
এতিয়া প্ৰশ্ন হয়, ৰশ্মিকাৰ সৈতে দেখা পোৱা এই প্ৰেমিকজন কোন? সংবাদ মাধ্যমত চৰ্চা লাভ কৰা ৰশ্মিকাৰ প্ৰেমিকগৰাকী আন কোনো নহয়৷
তেওঁ হৈছে দক্ষিণৰে অন্য এগৰাকী জনপ্ৰিয় অভিনেতা বিজয় দেৱাৰাকুন্দা৷ উল্লেখ্য যে বিজয়ৰ সৈতে ৰশ্মিকাই ডীয়েৰ কমৰেড, গীত গোবিন্দমৰ দৰে অতি জনপ্ৰিয় ছবিত অভিনয় কৰিছে৷
এই বিজয়ৰ সৈতে মুম্বাইত ৰশ্মিকাক সঘনে দেখা পোৱা বুলি দাবী কৰিছে সংবাদ মাধ্যমে৷ সংবাদ মাধ্যমৰ দাবী যে ৰশ্মিকা আৰু বিজয় প্ৰেমৰ সম্পৰ্কত আছে আৰু দুয়ো বিবাহৰ প্ৰস্তুতিৰ বাবে মুম্বাইত বাহৰ পাতি আছে৷
ইফালে একাংশই দাবী কৰিছে যে ৰশ্মিকা আৰু বিজয় দুয়ো মুম্বাইত একেলগে আছে৷
সেয়ে কিছুসংখ্যকে দুয়োৰে বিবাহ নিশ্চিত বুলি ধাৰণা কৰিছে৷ আন একাংশই বিবাহ সম্পন্ন হোৱা বুলিও মন্তব্য কৰিছে৷ ইফালে ৰশ্মিকা আৰু বিজয় কোনেও তেওঁলোকৰ মাজত প্ৰেমৰ সম্পৰ্ক আছে বুলি স্বীকাৰ কৰা নাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
