ভাৰতত ইতিহাসত কেইবাটাও উল্লেখযোগ্য বিমান দুৰ্ঘটনা সংঘটিত হৈছে। ইয়াৰ ভিতৰত শেহতীয়া আৰু অন্যতম ভয়াবহ দুৰ্ঘটনাটো হ’ল ২০২৫ চনৰ জুন মাহত আহমেদাবাদত সংঘটিত এয়াৰ ইণ্ডিয়া ফ্লাইট ১৭১ (AI 171) বিমানৰ দুৰ্ঘটনা। এনে বিমান দূৰ্ঘটনাৰ ফলত বিমান উঠিবলৈ ভয় কৰিছে একাংশই। যিকোনো বিমান দূৰ্ঘটনা হোৱাৰ পিছত সকলোৱে প্ৰথম আঙুলি পাইলটৰ ফালে উঠায়। কিন্তু এয়া কিমান দূৰ সঁচা? জনপ্ৰিয় সাংবাদিক শুভংকৰ মিশ্ৰৰ সৈতে হোৱা এক বিশেষ সাক্ষাৎকাৰত বিমান চলাচল বিশেষজ্ঞ অভিনৱ ত্ৰিপাঠীয়ে বহু কথা মুকলিকৈ প্ৰকাশ কৰে।
বিমান দুৰ্ঘটনা সংঘটিত হ’লেই প্ৰথমেই আঙুলি উঠে পাইলটৰ ফালে। তদন্ত সম্পূৰ্ণ হোৱাৰ আগতেই বহু সময়ত সামাজিক মাধ্যম, সংবাদমাধ্যম বা সাধাৰণ মানুহৰ মাজত এটা ধাৰণা গঢ় লৈ উঠে—“নিশ্চয় পাইলটৰ ভুল আছিল।” কিন্তু এই ধাৰণাটো কিমান সঁচা? তেওঁ স্পষ্টকৈ কয় যে, কোনো বিমান দুৰ্ঘটনাৰ তদন্ত সম্পূৰ্ণ নোহোৱাকৈ কেৱল পাইলটক দায়ী কৰা কোনো ভাল কথা নহয়। যিসকলৰ এইক্ষেত্ৰত জ্ঞান নাথাকে তেওঁলোকে এনে কথা কয় উল্লেখ কৰে।
অভিন্নৱ ত্ৰিপাঠীৰ মতে, ভয়ংকৰ বিমান দুৰ্ঘটনাত অধিকাংশ ক্ষেত্ৰতে পাইলটৰো মৃত্যু ঘটে। ফলত তেওঁ নিজৰ সিদ্ধান্ত, পৰিস্থিতি বা শেষ মুহূৰ্তৰ কাৰ্যকলাপ ব্যাখ্যা কৰাৰ সুযোগ নাপায়। ইয়াৰ ফলতেই বহু সময়ত প্ৰাৰম্ভিকভাৱে পাইলটৰ ওপৰত দোষ যাপি দিয়া দেখা যায়।
বিমান দুৰ্ঘটনা সাধাৰণতে এটা কাৰণত নহয়। ত্ৰিপাঠীয়ে ব্যাখ্যা কৰে যে, বিমান চলাচলত দুৰ্ঘটনা সাধাৰণতে কেৱল এজন ব্যক্তিৰ ভুলৰ বাবে নহয়। ইয়াৰ আঁৰত একাধিক কাৰক থাকিব পাৰে। যেনে—
- যান্ত্ৰিক ত্ৰুটি
- ইঞ্জিন বা ছিষ্টেম বিকল হোৱা
- বেয়া বতৰৰ প্ৰভাৱ
- বিমান সংস্থাৰ ৰক্ষণাবেক্ষণৰ ত্ৰুটি
- এয়াৰ ট্ৰেফিক কণ্ট্ৰ’লৰ ভুল
- অপাৰেশ্যনেল সিদ্ধান্ত
- কেতিয়াবা কিছুমান ভুল
সেইবাবে কেৱল পাইলটক দায়ী কৰাটো সঠিক পদ্ধতি নহয় বুলি তেওঁ মত প্ৰকাশ কৰে।
সাক্ষাৎকাৰত শুভংকৰ মিশ্ৰই উত্থাপন কৰা প্ৰশ্নৰ উত্তৰত ত্ৰিপাঠীয়ে কয়, কোনো বিমান দুৰ্ঘটনাৰ প্ৰকৃত কাৰণ জানিবলৈ Cockpit Voice Recorder (CVR) আৰু Flight Data Recorder (FDR) অৰ্থাৎ ব্লেক বক্সৰ তথ্য বিশ্লেষণ অতি গুৰুত্বপূৰ্ণ। এই তথ্য, বিমানৰ ধ্বংসাৱশেষ, ৰাডাৰ তথ্য, যোগাযোগৰ ৰেকৰ্ড আৰু অন্যান্য প্ৰযুক্তিগত তথ্য বিশ্লেষণ কৰাৰ পিছতহে তদন্তকাৰী সংস্থাই চূড়ান্ত সিদ্ধান্তত উপনীত হয়। সেয়েহে তদন্ত শেষ হোৱাৰ আগতেই কোনো সিদ্ধান্তত উপনীত হ’ব নালাগে বুলি তেওঁ আহ্বান জনায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
