জীৱনলৈ কেতিয়া আহে শনিৰ চাৰে সাতি দশা? ব্যক্তিৰ সৈতে কি ঘটে এই সময়ত? জানক ইয়াৰ পৰা মুক্তিৰ উপায়

চাৰে সাতিৰ তিনিটা পৰ্যায়

চাৰে সাত বছৰ ধৰি চলা চাৰে সাতি দশা তিনিটা পৰ্যায়ত বিভক্ত৷ প্ৰতি পৰ্যায় আঢ়ৈ বছৰ ধৰি চলে৷ ইয়াৰ মাজত প্ৰথম পৰ্যায়ত জাতক আৰ্থিক কষ্টৰ মাজত থাকে৷ শনিৰ চাৰে সাতি দশাৰ দ্বিতীয় পৰ্যায়ত জাতকে কৰ্মক্ষেত্ৰত নানান বাধাৰ মুখত পৰে৷ এই সময়ত পৰিয়ালতো বিভিন্ন কাৰণত অশান্তিয়ে দেখা দিয়ে৷ আৰু শনিৰ চাৰে সাতি দশাৰ তৃতীয় পৰ্যায়ত জাতকে অসুখ-বিসুখত কষ্ট পায়৷

কি ঘটে শনিৰ চাৰে সাতি দশাত?

শনিৰ চাৰে সাতি দশা চলিলে জাতকৰ জীৱনলৈ নানান বিপদ আহে৷ এই বিপদত জীৱন ছাৰখাৰ হব পাৰে জাতকৰ৷ এই সময়ত নিৰ্মম গ্ৰহ শনিয়ে নানান সংকট কঢ়িয়াই আনে৷ এটা কথা মনত ৰাখিব যে কৰ্মফলৰ দেৱতা শনিয়ে যেনেকৈ কাম কৰে তেনেকৈহে ফল দিয়ে৷ অৰ্থাৎ ভাল কাম কৰিলে শনিৰ প্ৰভাৱত জাতকৰ জীৱনত উন্নতি আহে৷ কিন্তু বেয়া কাম কৰিলে ৰুষ্ট হৈ শনিয়ে জাতকক নানান দুৰ্যোগৰ মুখলৈ ঠেলি দিয়ে৷ শনিৰ চাৰে সাতি দশাত জাতকৰ জীৱনলৈ ব্যাপক আৰ্থিক সমস্যাও আহিব পাৰে৷ শনিয়ে জাতকৰ যিমানেই ক্ষতি কৰিবলৈ সক্ষম সিমানেই ক্ষতি কৰি পেলাব পাৰে৷ শনিৰ প্ৰভাৱত অসুস্থ হৈ পৰাৰো আশংকা থাকে৷ বিবাহিত জীৱনতো এই সময়ত সমস্যাই দেখা দিয়ে৷ ডিভোৰ্ছ হৈ যোৱা বা প্ৰেমৰ সম্পৰ্কত ব্ৰেকআপ হৈ যোৱাৰ দৰে ঘটনাও ঘটে৷ যিসকল অবিবাহিত শনিৰ প্ৰভাৱত তেওঁলোকৰ বিবাহো দেৰি হয়৷

চাৰে সাতিৰ প্ৰকোপ কমোৱাৰ উপায়

• শনিৰ চাৰে সাতি দশা চলিলে প্ৰতি শনিবাৰে শনিৰ পূজা কৰা অত্যন্ত জৰুৰী৷
• দৰিদ্ৰক শস্য, সৰিয়হৰ তেল, লোহাৰ সামগ্ৰী, জোতা, কলা ছাতি, কলা কম্বল দান কৰক৷