সম্পৰ্ক ভঙাৰ কথা আহিলেই সাধাৰণতে তীব্ৰ কাজিয়া, কষ্ট বা হঠাৎ বিচ্ছেদৰ কথাই মনলৈ আহে৷ কিন্তু বৰ্তমান Gen Zৰ ওচৰত এটা নতুন ধাৰণা বেছ জনপ্ৰিয় হৈছে৷ সেয়া হৈছে ছফ্ট ব্ৰেক আপ৷ বিষয়টো কি? ই এক ধৰণৰ বিচ্ছেদ য’ত সম্পৰ্ক হঠাতে ভাঙি নাযায়৷ ধীৰে ধীৰে দূৰত্ব তৈয়াৰ কৰাৰ মাধ্যমেৰেহে শেষ হয়৷
ছফ্ট ব্ৰেকআপ কি?
ছফ্ট ব্ৰেকআপ বুলিলে সাধাৰণতে এনে যেন লাগে যে দুজন মানুহে আনুষ্ঠানিকভাৱে সম্পৰ্ক শেষ কৰাৰ ঘোষণা নকৰিলেও ধীৰে ধীৰে এক অন্য জীৱন আৰম্ভ কৰা৷ তেওঁলোকে হয়তো পূৰ্বৰ দৰে কথা নাপাতে, দেখা কৰাও কমাই দিয়ে বা মনৰ দূৰত্ব তৈয়াৰ কৰে৷ নিজৰ পৰাই দূৰত্ব তৈয়াৰ কৰি লয়৷ ফলত সম্পৰ্কও ধীৰে ধীৰে শেষ হ’বলৈ আৰম্ভ হয়৷
কিয় হয় ছফ্টব্ৰেকআপ?
বহু সময়তে মানুহে স্পষ্টভাৱে ব্ৰেকআপ কৰিবলৈ অস্বস্তিবোধ কৰে৷ কাকো কষ্ট নিদিয়াকৈ কাজিয়া নকৰাকৈ সম্পৰ্ক শেষ কৰাৰ বাবে তেওঁলোক আগ্ৰহী হয়৷ আৰু কেতিয়াবা দুজন ব্যক্তিৰ জীৱনৰ লক্ষ্য আৰু অগ্ৰাধিকাৰ সলনি হৈ গলেও সম্পৰ্ক স্বাভাৱিকভাৱেই দুৰ্বল হৈ পৰে আৰু ধীৰে ধীৰে ছফ্ট ব্ৰেকআপৰ দিশত আগুৱাই৷
ছফ্টব্ৰেকআপৰ লক্ষণসমূহ কি কি?
এই ধৰণৰ বিচ্ছেদৰ কিছু সাধাৰণ লক্ষণ আছে৷ যেনে-
পূৰ্বৰ দৰে নিয়মিত কথা নপতা৷ দেখা কৰাৰ আগ্ৰহ কমি যোৱা৷ ভৱিষ্যতক লৈ আলোচনা নকৰা, এজনে আনজনৰ পৰা কম গুৰুত্ব পোৱা৷ যোগাযোগ ধীৰে ধীৰে কমি যোৱা এই সকলো পৰিবৰ্তন এদিনতে নঘটে৷ বৰং সময়ৰ সৈতে এয়া তৈয়াৰ হয়৷
ছফ্ট ব্ৰেকআপৰ এক ইতিবাচক দিশ হৈছে কোনো ধৰণৰ কাজিয়া বা নাটকীয় পৰিস্থিতি তৈয়াৰ নহয়৷ ধীৰে ধীৰে দূৰত্ব তৈয়াৰ হোৱাৰ বাবে মানসিক ধাক্কাও কমকৈ লাগে৷
ইয়াৰ নেতিবাচক দিশো আছে৷ বহু সময়ত সম্পৰ্ক প্ৰকৃততে শেষ হৈছে নে নাই সেয়া পৰিষ্কাৰকৈ বুজা নাযায়৷ ইয়াৰ ফলত বিভ্ৰান্তি তৈয়াৰ হব পাৰে আৰু এজন মানুহে আশা কৰি থাকিব পাৰে যে সম্পৰ্ক আকৌ পূৰ্বৰ দৰেই হৈ পৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
