বলিউদৰ প্ৰতিভাৱান অভিনেতা নৱাজুদ্দিন ছিদ্দিকীৰ অভিয়ন সংগ্ৰামৰ কথা তেওঁৰ অনুৰাগীসকল ভাল দৰেই অৱগত৷ কঠোৰ ধৈৰ্য, সংগ্ৰামৰ ফলত বলিউদত প্ৰতিষ্ঠা লাভ কৰা নৱাজুদ্দিন ছিদ্দিকীৰ পত্নীয়ে বিচ্ছেদ বিচৰাৰ লগতে তেওঁৰ পৰিয়ালৰ বিৰুদ্ধে বিভিন্ন ধৰণৰ গুৰুতৰ অভিযোগ উত্থাপন কৰাৰ পিছতে অভিনেতাগৰাকী অনাহূত বিতৰ্কত সোমাই পৰে৷
সেই বিতৰ্কই আগুৰি ধৰা অভিনেতাগৰাকীয়ে পিছত নিজৰ ব্যক্তিগত জীৱনৰ অন্য এক বিতৰ্কও নিজেই সূত্ৰপাত ঘটাইছিল৷
মুম্বাইৰ এক সংবাদ পত্ৰৰ মতে অভিনেতা ছিদ্দিকীয়ে তেওঁৰ আত্মজীৱনী ‘এন অৰ্ডিনেৰী লাইফ: এ মেময়াৰ’ত নিজৰ একান্ত ব্যক্তিগত জীৱনৰ ৰহস্য ফাদিল কৰিছে৷
লগতে পঢ়ক মৃত্যুৰ পিছতে গ্লোবেল সন্মান লাভ সিদ্ধু মুছেৱালাৰ, কি সন্মান লাভ কৰিলে প্ৰয়াত শিল্পীগৰাকীয়ে?
ছিদ্দিকীয়ে প্ৰকাশ কৰিছে যে নিউয়ৰ্কৰ এখন হোটেলত তেওঁ হোটেলখনৰ এগৰাকী সুন্দৰী মহিলা কৰ্মচাৰীৰ সৈতে নৈশ যাপন কৰি যৌনতা উপভোগ কৰিছিল৷
অভিনেতাগৰাকীয়ে প্ৰকাশ কৰা মতে তেওঁৰ ‘লাঞ্চবক্স’ ছবিখন চাই হোটেলৰ সুন্দৰী কৰ্মচাৰীগৰাকী আকৃষ্ট হৈছিল৷ ছবিখনৰ বিষয়ে কথা বতৰা পতাৰ পিছতে হোটেলৰ মহিলা কৰ্মচাৰীগৰাকীৰ সৈতে এটা নিশা কটাই যৌনতা উপভোগ কৰি ছবিখনৰ সফলতাৰ মিঠা সোৱাদ লোৱা বুলিও ছিদ্দিকীয়ে প্ৰকাশ কৰে৷
ছিদ্দিকীয়ে আত্মজীৱনীখনত প্ৰকাশ কৰিছে যে ২০০৬ ৰ পৰা ২০১০ চনলৈ তেওঁৰ জীৱনৰ অন্যতম শ্ৰেষ্ঠ আছিল৷ তেতিয়াৰ পৰাই তেওঁক সকলোৱে চিনি পাবলৈ ধৰাৰ লগতে তেওঁ চলচ্চিত্ৰ মহোৎসৱসমূহলৈ আমন্ত্ৰিত হোৱা বুলিও প্ৰকাশ কৰে৷
লগতে পঢ়ক মুক্তিৰ পূৰ্বেই ৰণবীৰ-আলিয়াৰ ‘ব্ৰহ্মাস্ত্ৰ’ক বৰ্জনৰ হুংকাৰ! কিয় এই বৰ্জনৰ আহ্বান?
ছিদ্দিকীয়ে গ্ৰন্থখনত কেৱল নিউয়ৰ্কৰ কাহিনীয়েই নহয় তেওঁৰ জীৱনৰ আৰু ৰহস্যঘন কথা প্ৰকাশ কৰিছিল৷ সহ-অভিনেত্ৰী নীহাৰিকা সিঙৰ সৈতে গঢ়ি উঠা প্ৰেম আৰু অন্তৰংগতাৰ বিষয়েও উল্লেখ কৰিছিল৷
অৱশ্যে তেওঁৰ আত্মজীৱনীখনে বিতৰ্কৰ সোঁত বৃ্দ্ধি কৰাৰ পিছতে নৱাজুদ্দিন ছিদ্দিকীয়ে গ্ৰন্থখন বজাৰত বিক্ৰী বন্ধ কৰিবলৈ বাধ্য হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
