সংগোপনে আশানা শ্ৰফৰ সৈতে বিয়াত বহিল আৰমান মালিক, পাছে কোন হয় আশানা
দীৰ্ঘদিনীয়া প্ৰেমিকা আশানা শ্ৰফৰ সৈতে বিয়াত বহিল বলীউডৰ জনপ্ৰিয় কণ্ঠশিল্পী আৰমান মালিক। সংগোপনে বিয়া পাতে আশানাক। ইনষ্টাগ্ৰামত ফটো বিয়াৰ ফটো শ্বেয়াৰ কৰাতহে অনুৰাগীয়ে জানিব পাৰে আৰমানৰ বিয়াৰ কথা।
ফটো শ্বেয়াৰ কৰি দম্পতীহালে, কেপচনত লিখে- টু হি মেৰা ঘৰ।
বৰ্তমানে ছ’চিয়েল মিডিয়া আৰু ইনষ্টাগ্ৰামত ভাইৰেল হৈ পৰিছে দম্পতীহালৰ বিয়াৰ ফটো। ফটো ভাইৰেল হোৱাৰ পাছতে অন্য চেলিব্ৰিটি আৰু অনুৰাগী সকলে নৱ দম্পতিহালক অভিনন্দন জনোৱা দেখা গৈছে।
https://www.instagram.com/p/DEUDw6Gs97M/?utm_source=ig_web_copy_link
পাছে জানেনে আশানা শ্ৰফ কোন ! ২০২৩ চনৰ আগষ্ট মাহৰ পৰাই অৰমানে ইনষ্টাগ্ৰামত আশানাৰ প্ৰতি থকা প্ৰেমৰ বিষয়ে কৈ আহিছে। আৰমানাৰ পত্নী আশানা শ্ৰফৰ ইনষ্টাগ্ৰাম প্ৰফাইল সন্দৰ্ভত দেখা যায় যদি, আশানা ডিজিটেল ফেশ্বন আৰু সৌন্দৰ্য্যৰ ক্ষেত্ৰখনত নিজকে এগৰাকী আগশাৰীৰ ব্যক্তি হিচাপে প্ৰতিষ্ঠা কৰিছে।
এগৰাকী ভাৰতীয় ফেশ্বন আৰু বিউটি ব্লগাৰ, ইউটিউবাৰ আৰু ছ’চিয়েল মিডিয়াৰ প্ৰভাৱশালী মহিলা আশানা। ইনষ্টাগ্ৰামত ১০ লাখতকৈ অধিক ফ’ল’ৱাৰ থকা আশ্বনা এক সুপৰিচিত নাম।
আশানাই তৰুণ তাহিলিয়ানী, মনীষ মালহোত্ৰা আৰু জে জে ৱালিয়াৰ দৰে বিখ্যাত ব্ৰেণ্ডৰ সৈতে সহযোগিতা আগবঢ়াইছে। ইয়াৰ উপৰিও ডিঅ’ৰ, ট’ৰী বাৰ্চ, হাৰ্মিছ, ডিজেল, টডছ আৰু বেইলীৰ দৰে বিলাসী ব্ৰেণ্ডৰ দ্বাৰা আয়োজিত বিশ্বব্যাপী অনুষ্ঠানৰ অংশ হিচাপেও অংশগ্ৰহণ কৰিছে। ২০১৩ চনৰ নৱেম্বৰ মাহত আশানাই তেওঁৰ অনলাইন ব্যৱসায় দ্য স্নব শ্বপ আৰম্ভ কৰে, যিয়ে ফেশ্বন জগতত দ্ৰুতগতিত চৰ্চা লাভ কৰে।
৩১ বছৰীয়া আশানাই মুম্বাইৰ এম আই টি কলেজৰ পৰা স্নাতক ডিগ্ৰী লাভ কৰি নিউজিলেণ্ড টাৰ্চিয়েৰী কলেজত অধ্যয়ন কৰিছে। বৰ্তমানে আশানাৰ সম্পত্তিৰ পৰিমাণ প্ৰায় ৩৭ কোটি টকা। খবৰ অনুসৰি ২৯ বছৰীয়া আৰমান মালিকৰো সম্পত্তি ৩৭ কোটি টকা পৰ্যন্ত হ’ব বুলি ধাৰণা কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
