মোদী-পুটিন ভাই ভাই, পাছে মাজত কোন এই নাৰী
সোমবাৰে সন্ধিয়া দুদিনীয়া ৰাছিয়া ভ্ৰমণৰ বাবে মস্কোত উপস্থিত হয় প্ৰধানমন্ত্ৰী নৰেন্দ্ৰ মোদী। ৰাছিয়াৰ ৰাষ্ট্ৰপতি ভ্লাদিমিৰ পুটিনে ভাৰতৰ প্ৰধানমন্ত্ৰীক তেওঁৰ চৰকাৰী বাসগৃহত উষ্ম আদৰণি জনায়। প্ৰধানমন্ত্ৰী মোদীয়ে যেতিয়া ৰাছিয়াৰ ৰাষ্ট্ৰপতিৰ চৰকাৰী বাসগৃহত উপস্থিত হয়, তেতিয়া পুটিনে ইতিমধ্যে তেওঁক আদৰণি জনাবলৈ থিয় হৈ আছিল।
প্ৰধানমন্ত্ৰী মোদী গাড়ীৰ পৰা ওলাই অহাৰ লগে লগে ৰাষ্ট্ৰপতি পুটিনৰ সৈতে প্ৰথমে হাত মিলাই তাৰ পিছত দুয়ো দুয়োকে সাৱটি ধৰি তেওঁলোকৰ গভীৰ সম্পৰ্ক প্ৰকাশ কৰে। অৱশ্যে প্ৰধানমন্ত্ৰী মোদী আৰু ৰাষ্ট্ৰপতি পুটিনৰ বৈঠকৰ সময়ত এগৰাকী মহিলাই বহু লোকৰ দৃষ্টি আকৰ্ষণ কৰিছিল। প্ৰধানমন্ত্ৰী মোদী আৰু ৰাষ্ট্ৰপতি পুটিনৰ সৈতে ছাঁৰ দৰে উপস্থিত আছিল মহিলাগৰাকী।
https://x.com/RusEmbIndia/status/1810383571041005724
প্ৰকৃততে প্ৰধানমন্ত্ৰী মোদী আৰু ৰাষ্ট্ৰপতি পুটিনৰ দুয়োৰে মাজত এক সাদৃশ্য আছে। দুয়ো দেশৰ প্ৰধানে কেৱল নিজৰ মাতৃভাষাত কথা পতাটোহে বেছি পছন্দ কৰে। সোমবাৰে নিশাৰ আহাৰ গ্ৰহণৰ সময়ত প্ৰধানমন্ত্ৰী মোদীৰ সৈতে হোৱা বৈঠকৰ সময়ত পুটিনক ৰাছিয়ান ভাষাত ভাষণ দিয়া দেখা গৈছিল আৰু প্ৰধানমন্ত্ৰী মোডীয়েও তেওঁৰ সৈতে হিন্দী ভাষাত কথা পাতিছিল। এনে অৱস্থাত ৰাষ্ট্ৰপতি দুগৰাকীক ইজনে সিজনক বুজাবলৈ দুয়োখন দেশৰ পৰা দ্বিভাষিকক নিয়োগ কৰা হৈছিল আৰু এই মহিলাগৰাকীও তাৰ ভিতৰত এগৰাকী আছিল।
এই মহিলাগৰাকীক ৰাছিয়াৰ ফালৰ পৰা আছিল। ৰাষ্ট্ৰপতি পুটিনৰ কথাবোৰ ৰাছিয়ান ভাষাৰ পৰা হিন্দীলৈ অনুবাদ কৰি পি এম মোদীক কৈ আছিল। প্ৰধানমন্ত্ৰী মোডী আৰু ৰাষ্ট্ৰপতি পুটিনৰ বৈঠকৰ সময়ত এইগৰাকী মহিলা আৰু ভাৰতে নিয়োগ কৰা অনুবাদকজনো তেঁওলোকৰ সৈতে উপস্থিত আছিল।
উল্লেখ্য যে, ইউক্ৰেইন আৰু ৰাছিয়াৰ যুদ্ধৰ পিছত প্ৰথমবাৰৰ বাবে মস্কোত উপস্থিত হোৱা প্ৰধানমন্ত্ৰী মোদীয়ে মঙলবাৰে ৰাছিয়াৰ ৰাষ্ট্ৰপতি ভ্লাদিমিৰ পুটিনৰ সৈতে শীৰ্ষ আলোচনাত মিলিত হ’ব। এই ভ্ৰমণক এক বহল ভূ-ৰাজনৈতিক প্ৰেক্ষাপট আৰু সংকেত হিচাপে দেখা গৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
