অসম লাইভ ২৪ঃ ভাৰতত সৰ্বপ্ৰথমে চিনাক্ত ক’ৰোনা ভাইৰাছৰ প্ৰজাতিৰ নামাকৰণ কৰিছে বিশ্ব স্বাস্থ্য সংস্থাই। সোমবাৰে ‘কপ্পা’ আৰু ‘ডেল্টা’ নামেৰে নামাকৰণ কৰা হয় কোভিডৰ ভাৰতীয় প্ৰজাতিৰ। B.1.617.1 আৰু B.1.617.2 প্ৰজাতিৰ নামাকৰণ কৰিছে ক্ৰমে ‘কপ্পা’ আৰু ‘ডেল্টা’ নামেৰে। ২০২০ চনৰ অক্টোবৰত ক’ৰোনাৰ এই প্ৰজাতি ধৰা পৰিছিল ভাৰতত। বিশ্ব স্বাস্থ্য সংস্থাই গ্ৰীক বৰ্ণমালাৰ আধাৰত নামাকৰণ কৰিছে এই ভাইৰাছৰ। একেদৰে, ব্ৰিটেইনত চিনাক্ত প্ৰজাতিৰ নাম ‘আল্ফা’, দক্ষিণ আফ্ৰিকাত চিনাক্ত প্ৰজাতিক ‘বীটা’ আৰু ‘গামা’ নামেৰে নামাকৰণ কৰিছে বিশ্ব স্বাস্থ্য সংস্থাই। WHOৰ কোভিড-১৯ ৰ প্ৰযুক্তিগত বিষয়ৰ মুৰব্বী ডাঃ মাৰিয়া ৱান কেৰখোৱএ সোমবাৰে টুইটযোগে জনায়, ‘বিশ্ব স্বাস্থ্য সংস্থাই ক’ৰোনা ভাইৰাছৰ প্ৰজাতিৰ চিনাক্তকৰণত সহজ আৰু সুবিধা হোৱাকৈ ইয়াক নামাকৰণ কৰা হৈছে। এই প্ৰজাতিসমূহৰ বৈজ্ঞানিক নামসমূহৰ পৰিৱৰ্তন নহয়। সদ্যহতে, সাধাৰণভাৱে চিনাক্ত কৰিবলৈ সুবিধা হোৱাকৈ নামসমূহ ৰখা হৈছে’। নামাকৰণৰ জৰিয়তে ভাইৰাছসমূহ চিনাক্তকৰণত সুবিধা হ’ব বুলি WHOৰ প্ৰকাশ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
