ভাৰত আৰু ইংলেণ্ডৰ মাজত আজিৰে পৰা আৰম্ভ হ’ব ODI শৃংখলা। ইয়াৰ আগতে হৈ যোৱা T20 শৃংখলাত টীম ইণ্ডিয়াৰ শোচনীয় পৰাজয়ৰ পিছত টীম ইণ্ডিয়াৰ অনুৰাগীসকলে এতিয়া অধীৰ আগ্ৰেহেৰে অপেক্ষা কৰি আছে এই শৃংখলাটোলৈ। কিয়নো বিগত ১৮ জানুৱাৰীৰ পিছত পুনৰবাৰ একেলগে খেলপথাৰত নামিব ৰোহিত শৰ্মা আৰু বিৰাট কোহলি।
ইংলেণ্ডত ৰোহিত শৰ্মাৰ চকুত চকুপানী
এই ঘটনা ২০১৯ চনৰ এদিনীয়া বিশ্বকাপৰ সময়ৰ। উক্ত বিশ্বকাপত ৰোহিত শৰ্মাই বেটেৰে দুৰ্দান্ত প্ৰদৰ্শন আগবঢ়াইছিল। নিজৰ অনবদ্য প্ৰদৰ্শনৰ বাবে ভূয়সী প্ৰশংসা লাভ কৰিছিল ৰোহিত শৰ্মাই। কিন্তু হিটমেনে ব্যক্তিগতভাৱে সফল হ’লেও তেওঁ ভাৰতক বিশ্বকাপ জয়ী কৰাব নোৱাৰাত মৰ্মাহত হৈ পৰিছিল। উক্ত বিশ্বকাপৰ প্ৰথম ছেমি ফাইনেলত ভাৰতৰ সন্মুখীন হৈছিল নিউজিলেণ্ড। মেনচেষ্টাৰত অনুষ্ঠিত সেই ৰোমাঞ্চকৰ খেলখনত নিউজিলেণ্ডে ভাৰতক ১৮ ৰানত পৰাস্ত কৰি ফাইনেলত প্ৰৱেশ কৰে। এই পৰাজয়ে ভাৰতৰ অজস্ৰ ক্ৰিকেট অনুৰাগীৰ হৃদয় ভাঙিছিল সমান্তৰালভাৱে ভাৰতীয় দলৰ প্ৰতিগৰাকী খেলুৱৈকো মৰ্মাহত কৰিছিল এই পৰাজয়ে। বিশেষকৈ ৰোহিত শৰ্মাৰ বাবে এই পৰাজয় আছিল অধিক কষ্টদায়ক আছিল। সমগ্ৰ টুৰ্ণামেণ্টখনত ৰোহিতে অসাধাৰণ বেটিং কৰিছিল, কিন্তু শেষত দলটোক বিজয়ৰ সোৱাদ দিব নোৱাৰাৰ বেদনাই তেওঁক আৱেগিক কৰি তুলিছিল আৰু সেইবাবেই ড্ৰেছিং ৰুমত অশ্ৰুৰে ভৰি পৰিছিল ৰোহিত শৰ্মাৰ চকু।
২০১৯ বিশ্বকাপৰ সবাটোকৈ সফল বেটাৰ আছিল ৰোহিত
যদিও ভাৰতৰ যাত্ৰা ছেমিফাইনেলতে সমাপ্ত হৈছিল, তথাপিও ৰোহিত শৰ্মা আছিল ২০১৯ চনৰ বিশ্বকাপৰ সৰ্বাধিক ৰান সংগ্ৰহ কৰা বেটাৰ। তেওঁ ৯খন মেচৰ ৯টা ইনিংছত ৮১ গড়েৰে মুঠ ৬৪৮ ৰান সংগ্ৰহ কৰিছিল। এই সময়ছোৱাত তেওঁ ৫টা শতক অৰ্জন কৰাৰ লগতে মুঠ ৬টা ইনিংছত ৫০ বা তাতকৈ অধিক ৰান সংগ্ৰহ কৰিছিল। তেওঁৰ এই ঐতিহাসিক প্ৰদৰ্শন আজিও বিশ্বকাপৰ অন্যতম শ্ৰেষ্ঠ বেটিং প্ৰদৰ্শন হিচাপে স্মৰণীয় হৈ আছে। সেই ঘটনাৰ পিছত বহু বছৰ পাৰ হৈ গৈছে। এতিয়া ৰোহিত শৰ্মাৰ লক্ষ্য ২০২৭ চনৰ এদিনীয়া বিশ্বকাপ। আগন্তুক এদিনীয়া বিশ্বকাপত খিতাপ জয়ৰ দিশে আগবাঢ়িবলৈ ইংলেণ্ডৰ বিৰুদ্ধে আজিৰে পৰা আৰম্ভ হবলগীয়া এদিনীয়া ছিৰিজ ভাৰতীয় দলৰ বাবে যথেষ্ট গুৰুত্বপূৰ্ণ। ইংলেণ্ডৰ মাটিত ৰোহিত শৰ্মাৰ বেটিং ৰেকৰ্ড যথেষ্ট উন্নত। সেয়েহে এই ছিৰিজতো তেওঁৰ পৰা এটা ডাঙৰ ইনিংছ আৰু দলক বিজয়ৰ পথ দেখুওৱাৰ আশা কৰিছে ভাৰতীয় অনুৰাগীসকলে।
এই প্ৰতিবেদন যুগুতাইছে মানসজ্যোতিয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
