ৰামায়ণৰ উত্তৰকাণ্ড পৰ্বত লৱ আৰু কুশ নামেৰে সীতাই দুই সন্তানৰ জন্ম দিয়াৰ কথা উল্লেখ আছে৷ ৰামায়ণৰ উত্তৰকাণ্ডক বহুতেই উত্তৰ ৰামায়ণো কোৱা হয়৷ এই পৰ্বত সীতা আৰু লক্ষ্মণক লৈ ৰামচন্দ্ৰ অযোধ্যালৈ উভতি আহে৷ কিন্তু কিছুদিনৰ ভিতৰত ৰাজ্যৰ মানুহে সীতাৰ চৰিত্ৰক লৈ কথা ক’বলৈ আৰম্ভ কৰে৷ প্ৰজাসকলে এই আলোচনা ৰামৰ কাণতো পেলায়৷ প্ৰবল মানসিক দ্বন্দ্বৰ মাজত ভূগি ৰামে শেষ পৰ্যন্ত লক্ষ্মণক কয় যে সীতাক জংঘলত এৰি আহাগৈ৷ তেতিয়া সীতা গৰ্ভৱতী আছিল৷ চকুৰ পানী মছি মছি লক্ষ্মণে মহৰ্ষি বাল্মীকিৰ আশ্ৰমত থৈ আহে৷ তাতেই লৱ আৰু কুশৰ জন্ম দিয়ে সীতাই৷ ইয়াৰপাছতেই বিভিন্ন ঘটনাৰ মাধ্যমেৰে লৱ কুশৰ সৈতে ৰাম দেখা হয়৷ লৱ কুশৰ পৰিচয় লাভৰ পিছত কি কৰিছিল ৰামে?
লৱ আৰু কুশ কেৱল দক্ষ বীৰেই নাছিল তেওঁলোক দুয়োৰে সংগীত প্ৰতিভাও আছিল৷ এদিন ৰামৰ ৰাজসভাত তেওঁলোক দুয়ো গীত পৰিবেশনৰ বাবে আহিছিল৷ সেই গীতৰ মাধ্যমেৰেই মাতৃ সীতাৰ কথা আৰু নিজৰ পৰিচয় দিছিল দুই বালকে৷ তেতিয়াই বাল্মীকি আহি ৰামৰ সৈতে লৱ কুশৰ পৰিচয় কৰাই দিয়ে৷ লৱ কুশ যে ৰামৰেই সন্তান সেই কথা জনায় বাল্মীকিয়ে৷ ইমান দিনৰ পাছত নিজৰ দুই পুত্ৰক দেখি আনন্দত আত্মহাৰা হৈ উঠে শ্ৰীৰাম৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
