বিশ্ব স্বাস্থ্য সংস্থাৰ মতে, প্ৰতি বছৰে কুকুৰ কামোৰাৰ ফলত জলাতঙ্ক ৰোগ হৈ প্ৰায় ৫৫,০০০ লোকৰ মৃত্যু হয়। এছিয়া আৰু আফ্ৰিকা মহাদেশতেই কুকুৰে কামোৰাৰ ফলত মৃত্যু হোৱা লোকৰ সংখ্যা সৰ্বাধিক। ভাৰতত জলাতঙ্কত প্ৰায় ৩০ ৰপৰা ৬০ শতাংশ ৰোগীৰ মৃত্যু হয়। ইয়াৰে ১৫ বছৰৰ তলৰ শিশুৱেই সৰ্বাধিক।
কেৰালাত কুকুৰে কামোৰৰ ফলত এজনী কণমানি ছোৱালীৰ মৃত্যু হোৱাত অধিবক্তা ভি কে বিজুৱে মুখ্য ন্যায়াধীশৰ সন্মুখত এখন আবেদন দাখিল কৰিছে। এই আবেদনত, কুকুৰে কামোৰাৰ ঘটনা সৰ্বাধিক বৃদ্ধি হোৱা বুলি উল্লেখ কৰা হৈছে।
আৱেদনখনত উল্লেখ থকা অনুসৰি বিগত পাঁচ বছৰত কুকুৰে কামোৰাৰ এক নিযুত ঘটনা পোহৰলৈ আহিছে। কেৰালাৰ ঘটনাক লৈ ৫ ছেপ্টেম্বৰত দাখিল কৰা আবেদনৰ ৯ ছেপ্টেম্বৰত শুনানিও গ্ৰহণ কৰা হয়। ৯ ছেপ্টেম্বৰত দিয়া শুনানিত ন্যায়াধীশ সঞ্জীৱ খান্নাৰ দুই ন্যায়াধীশে কয় যে, জন্তুৰ অধিকাৰ আৰু মানুহৰ সুৰক্ষা এই দুয়ো দিশতেই ভাৰসাম্য ৰক্ষা কৰিব লাগিব। ইয়াৰোপৰি পদপথৰ কুকুৰৰ সমস্যা সমাধানৰ বাবে এটা সমাধানো বিচাৰ কৰিব লাগিব বুলি ন্যায়ালয়ৰ শুনানিত দিয়া হৈছে। গোচৰটোৰ পৰবৰ্তী শুনানি ২৮ ছেপ্টেম্বৰত দিয়া হ’ব বুলিও উল্লেখ কৰা হৈছে।
লগতে পঢ়ক ফ্লেটত অকলে আছিল যুৱতী৷ নিশা খাদ্য ডেলিভাৰী দিবলৈ আহি জ’মেটো বয়ে খালে চুমা৷ তাৰ পাছত…
কুকুৰে কিয় কামোৰে এই সন্দৰ্ভত প্ৰখ্যাত পশু চিকিৎসক অজয় সুদৰ মতে, ‘কুকুৰে কামোৰাৰ বেছিভাগ ঘটনাই কুকুৰৰ মাজত চলা কাজিয়াৰ ফলতেই হয়। প্ৰতিটো পদপথৰ কুকুৰেই সিঁহতৰ একোটা নিজা এলেকা নিৰ্ধাৰণ কৰে। দিনকদিনে মানুহৰ জনসংখ্যা যিদৰে বৃদ্ধি হৈছে কুকুৰৰ সংখ্যাও দ্ৰুতগতিত বৃদ্ধি পাইছে। এনে পৰিস্থিতিত কুকুৰৰ এলেকা হ্ৰাস হ’ব ধৰিছে। যেতিয়া একোটা পদপথৰ কুকুৰৰ নিজৰ এলেকাটো সুৰক্ষিত কৰি ৰখা কঠিন হৈ পৰে তেতিয়াই কুকুৰে অসুৰক্ষিত অনুভৱ কৰে। কুকুৰে অনুভৱ কৰে যে ব্যক্তিজনে তাৰ এলেকাত প্ৰৱেশ কৰিছে, সেয়েহে এনে পৰিস্থিতিত কুকুৰ সদায়ে আক্ৰমণাত্মক হৈ পৰে।’
ড. অজয় সুদৰ মতে, ‘হঠাতেই কুকুৰে আক্ৰমণেই কৰিব এনে নহয়। প্ৰথমে খং দেখুওৱাই কুকুৰে ভয় দেখুৱাই, সেই ভয়ত যদি ব্যক্তিগৰাকীয়ে পিছহুহকি আহে তেন্তে কুকুৰেও খেদি আহে। খেদি অহাই নহয় এনেকৈ পিছুৱাই আহোতে কেতিয়াবা কামুৰিও দিয়ে। পদপথৰ কুকুৰৰ ক্ষেত্ৰত, বৰ্ধিত উষ্ণতা, খাদ্যৰ অভাৱ, যান-বাহনৰ কোলাহল, দ্ৰুত গ্লেয়াৰ লাইটৰ দৰে কাৰকবোৰেও প্ৰভাৱিত কৰে। এনে পৰিস্থিতিয়ে কুকুৰক আক্ৰমণাত্মক কৰি তোলে।’
পোহনীয়া কুকুৰেও কেতিয়াবাগৰাকীক কামোৰে। গৰাকীৰ আচৰণ, কুকুৰটো কেনে পৰিবেশত ডাঙৰ হৈছে তাৰ ওপৰতে কুকুৰৰ চৰিত্ৰ গঢ় লয়। দুই-তিনি মাহৰ পোৱালীৱে আক্ৰমণ কৰাৰ ক্ষেত্ৰত বিষয়টো কিছু সুকীয়া হয়। সেই সময়ত কুকুৰৰ পোৱালীৰ দাঁত গজে। দাঁতেৰে সকলো কামুৰিবলৈ চেষ্টা কৰে। গৰাকীয়েও এই কাৰুকাৰ্য উপভোগ কৰে। এনেকৈ ধেমালী কৰাটো পিছলৈ অভ্যাসেই হৈ পৰে যাৰ ফলত ধেমালীৰ মাজতেই কেতিয়াবা কামূৰি দিয়ে।
লগতে পঢ়ক উদ্যত পিষ্টলেৰে মহানগৰীৰ ৰাজপথত সন্ত্ৰাস বিহাৰী ৰিক্সাৱালাৰ! তাৰপাছত কি হ’ল?
ইয়াৰোপৰি বহুলোকে কুকুৰ আনি ঘৰৰ এটা কোণত বান্ধি থয়। ফলত কুকুৰটোৱে মানুহেৰে বিশেষ মিলামিছা নকৰে। মানুহেৰে বন্ধুত্বপূৰ্ণ সম্পৰ্ক ৰখাৰ সলনি আক্ৰমণাত্মক হৈ উঠা দেখা যায়। কুকুৰ আক্ৰমণাত্মক হোৱাৰ আন এটা কাৰণ হ’ল খাদ্য আৰু পানীয়ৰ অভাৱ। ঘৰৰ পোহনীয়া কুকুৰবোৰক অধিক খাদ্য যোগান ধৰা হয় তাৰ বিপৰীতে বিশেষ কোনো কাম নাথাকে। এনে পৰিস্থিতিত শাৰীৰিক শক্তি ক্ষয় নাযায়। এনেদৰে অত্যাধিক খাদ্য খাই শুই থকা কুকুৰো আক্ৰমণাত্মক হয়।
ভাৰতত জন্তুৰ গৱেষণা কৰি থকা অভিষেক সিঙে, পদপথৰ কুকুৰ অধিক বিপদজনক নে পোহনীয়া কুকুৰ সেই সম্পৰ্কতো প্ৰতিক্ৰিয়া ব্যক্ত কৰিছে। সিঙৰ মতে যদি কুকুৰটো হাইপাৰ প্ৰজাতিৰ কুকুৰ হয় তেন্তে ই নিশ্চিতভাৱেই অধিক আক্ৰমণাত্মক হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
