আজি ২০ ছেপ্টেম্বৰ৷ আজি দিনটো হৈছে অসমৰ জনপ্ৰিয় অভিনেত্ৰী বৰষাৰাণী বিষয়াৰ ওপজা দিন।
প্ৰিয় অভিনেত্ৰীগৰাকীৰ জন্মদিন উপলক্ষে বন্ধু–বান্ধৱী, ছচিয়েল মিডিয়াত অনুৰাগীসকলৰ লগতে স্বামী ভাস্কৰ বৰুৱাইও ওপজা দিনৰ শুভেচ্ছা জনাইছে।
পত্নী বৰষাৰাণী বিষয়াৰ জন্মদিন উপলক্ষ্যে স্বামী ভাস্কৰ বৰুৱাই সামাজিক মাধ্যমত ফ’টো শ্বেয়াৰ কৰি বিশেষ কেপচনো লিখিছে৷ য’ত তেওঁ পত্নীৰ জন্মদিন উপলক্ষ্যে শুভেচ্ছা জ্ঞাপন কৰিছে৷
আজিৰ দিনটোতে ৪০ বছৰত ভৰি দিয়া অভিনেত্ৰীগৰাকীয়েও স্বামীৰ সৈতে নিজৰ জন্মদিন পালন কৰাৰ ফ’টো সামাজিক মাধ্যমত শ্বেয়াৰ কৰিছে৷
লগতে পঢ়ক মানুহক কুকুৰে কামোৰে কিয়? কুকুৰৰ আক্ৰমণত বিশ্বত প্ৰতিবছৰে ৫৫,০০০ লোকৰ মৃ্ত্যু ঘটে?
ভাস্কৰ বৰুৱাই পত্নী বৰষাৰাণী বিষয়াক শুভেচ্ছা জনাই লিখিছে, ‘‘মোৰ গৌৰৱলৈ জন্মদিনৰ শুভেচ্ছা জ্ঞাপন কৰিলোঁ!! তোমাৰ হ’বলৈ পাই মই বৰ গৌৰৱ আৰু সন্মোহিত অনুভৱ কৰিছো৷ মৰম আৰু যত্নৰে মোৰ দুহাত ধৰি ৰখাৰ বাবে ধন্যবাদ। তুমি মোৰ জীৱনটো যিদৰে খোদিত কৰি নিস্বাৰ্থভাৱে মোক ভাল পাইছা, সেয়া প্ৰতিটো মুহূৰ্ততে উদযাপন কৰিবৰ যোগ্য।’’
লগতে আৰু লিখিছে, ‘‘তোমাৰ সকলো সপোন, ইচ্ছা আৰু উচ্চাকাংক্ষা পূৰণ কৰোৱাবলৈ ভগৱানে মোক যথেষ্ট শক্তি দিয়ক। শুভ জন্মদিন মোৰ ৰাজকুমাৰী৷’’
ইফালে স্বামী ভাস্কৰ বৰুৱাৰ এই পোষ্টচত কমেণ্ট কৰি বৰষাৰাণী বিষয়াই ৰিপ্লাইও কৰিছে৷ ‘‘ৱাউ বহুত ধন্যবাদ প্ৰিয়তম৷ তুমি আক্ষৰিক অৰ্থত মোক কোনোবা সাধুকথাৰ ৰাজকুমাৰীৰ দৰে অনুভৱ কৰোৱাইছা ৷ তোমাৰ নিস্বাৰ্থ মৰমে মোৰ জীৱনক বহু অৰ্থময় কৰি তুলিছে৷ তোমাৰ অবিহনে ইমান বছৰ কেনেকৈ জীয়াই আছিলো বুলি ভাবিছোঁ ৷ তুমি মোৰ ডেউকা ৷ চিৰদিনৰ বাবে তোমাক ভাল পাওঁ৷’’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
