‘Lipstick Under My Burkha’ হৈছে চাৰিগৰাকী মহিলা আৰু তেওঁলোকৰ সপোনৰ ভিত্তিত নিৰ্মিত এখন ছবি। বিত্তীয় স্বাধীনতা, গায়িকা হোৱা, এখন ডাঙৰ চহৰলৈ যোৱা আৰু সাধাৰণভাৱে জীৱন উপভোগ কৰা হৈছে ছবিখনৰ কেইটামান মূল বিষয়।
চাৰিগৰাকী মহিলাৰ নিজৰ এই আকাংক্ষাবোৰ সমাজৰ পৰা লুকাই ৰাখিবলগীয়া হয় আৰু ছবিখনত তেওঁলোকে এই আকাংক্ষাবোৰক এক বাস্তৱ ৰূপ দিবলৈ যোৱাটোৱেই এক দুঃসাহসিক ভ্ৰমণৰ দৰে হৈ পৰে। চলচ্চিত্ৰখনত এই আকাংক্ষাবোৰক ‘লিপষ্টিক’ৰ আখ্যা দিয়া হৈছে৷ আনহাতে, পুৰুষতান্ত্ৰিক সমাজখনক বোৰ্খাৰ আখ্যা দিয়া হৈছে।
চলচ্চিত্ৰখনে নাৰীবাদক তীব্ৰভাৱে উৎসাহিত নকৰে কিন্তু অলংকৃতাই (পৰিচালক) আমাক চাৰিগৰাকী বেলেগ বেলেগ মহিলাৰ কাহিনী ক’বলৈ এটা সূক্ষ্ম বৰ্ণনাশৈলী বাছনি কৰে যিয়ে পুৰুষ উগ্ৰবাদী সমাজ আৰু মানসিকতাৰ সৈতে যুঁজে আৰু তাতেই Lipstick Under My Burkhaৰ সৌন্দৰ্য!
লগতে পঢ়ক অক্ষৰ কুমাৰৰ বেয়া দিন!
অলংকৃতাই তেওঁৰ ছবিখনত সকলোৱে নিজকে বিচাৰি পোৱা এখন ঠাই (ভূপাল)দেখুৱাই আৰু তেওঁৰ চৰিত্ৰবোৰ সকলো বাস্তৱবাদী। এই ছবিখনৰ চৰিত্ৰকেইগৰাকীৰ নিজ নিজ সমস্যা থাকে আৰু তেওঁলোকে নিতৌ পুৰুষ প্ৰধান সমাজৰ সৈতে মোকাবিলা কৰিবলগীয়া হয়।
শিৰীণ (কঙ্কনা) এগৰাকী গৃহিনী যি এগৰাকী চেলছগাৰ্লৰ কাম কৰে কিন্তু তেওঁ নিজৰ চাকৰিটো তেওঁৰ স্বামীৰ (সুশান্ত) পৰা লুকুৱাব লগা হয়। বুৱা জী ওৰফে ঊষা (ৰত্না) এগৰাকী ৫৫ বছৰীয়া মহিলা যি তেওঁৰ বয়সৰ বাবে আকাংক্ষাহীন হৈ পৰে কিন্তু ধৰ্মীয় কিতাপৰ আঁৰত লুকাই থকা চফ্ট পৰ্ণ পঢ়ি ভাল পায়।
লীলা (আহানা) এগৰাকী মুক্ত-উৎসাহী মহিলা যি ভূপালৰ সৰু চহৰখনত শ্বাসৰুদ্ধ অনুভৱ কৰে আৰু তাইৰ জীৱনত পুৰুষসকলক নিয়ন্ত্ৰণ কৰিবলৈ তাইৰ যৌনতা ব্যৱহাৰ কৰে। ৰিহানা (প্লাবিটা) এগৰাকী কলেজীয়া যুৱতী যি মাইলি চাইৰাছৰ ফেশ্বন ষ্টাইল অনুসৰণ কৰিব বিচাৰে। নিজৰ গোঁড়া পিতৃ-মাতৃৰ বাবে তাই গায়িকা হোৱাৰ আকাংক্ষা বোৰ্খাৰ আঁৰত লুকুৱাব লগা হয়।
লগতে পঢ়ক মেট্ৰিকত কোনোমতে পাছ কৰিছিল! এতিয়া IAS বিষয়া তুষাৰ
চলচ্চিত্ৰখনৰ প্ৰতিটো চৰিত্ৰই বিভিন্ন ধৰণৰ কুসংস্কাৰ আৰু সীমাবদ্ধতাৰ সৈতে সম্পৰ্কিত কিন্তু অৱশেষত সেইবোৰে একেটা দিশলৈ আঙুলিয়াই— মহিলাৰ স্বাধীনতা নিয়ন্ত্ৰণ কৰা। সৰু চহৰৰ পৰিৱেশে চাৰিটা চৰিত্ৰক ইজনে সিজনৰ জীৱনৰ অংশ হ’বলৈ আৰু অৱশেষত একলগ হ’বলৈ সক্ষম কৰে।
Lipstick Under My Burkhaএ মহিলাসকলক কেনেদৰে ব্যৱহাৰ কৰিব লাগে তাৰ ওপৰত কোনো উপদেশমূলক বাৰ্তা নিদিয়ে অথবা পিতৃতান্ত্ৰিকতাৰ বিৰুদ্ধে সৰ্বাধিক যুদ্ধও নকৰে। চলচ্চিত্ৰখনে মাথোঁ এক কথোপকথনৰ আৰম্ভ কৰিব খোঁজে— আমি মহিলাসকলৰ আকাংক্ষাৰ লগতে তেওঁলোকৰ অধিকাৰৰ বিষয়ে আলোচনা কৰিব লাগে, মহিলাসকলক তেওঁলোকৰ সপোনৰ কথা মুকলিকৈ পাতিব পৰাকৈ সক্ষম কৰিব লাগে।
লগতে পঢ়ক হেণ্ডচাম পুৰুষেৰে ডেটিং কৰাটোৱেই নাৰীৰ একমাত্ৰ লক্ষ্য নে?
ছবিখনে বহুতো সমস্যাৰ প্ৰতি আঙুলি উঠায়— মহিলাৰ পোছাকৰ ওপৰত নিৰ্দেশ দিয়াৰ পৰা বিবাহত ‘Forced Sex’ৰ লৈকে এই ছবিখনে সকলোবোৰ সাহসেৰে সম্বোধন কৰে। এইখন এক সাহসী চলচ্চিত্ৰ, এইকাৰণে নহয় যে ই মহিলাৰ যৌনতাৰ কথা কয়, বৰঞ্চ এই কাৰণে যে তেওঁলোকৰ আকাংক্ষা আৰু সমস্যাৰ প্ৰতি আটাইতকৈ স্পষ্ট আৰু গুৰুতৰভাৱে মনোযোগ দিয়ে।
অলংকৃতাই তেখেতৰ এই চিন্তাক সফল কৰিবলৈ আশ্চৰ্যকৰ অভিনেতাৰ এটা সৈন্য বাছনি কৰে। সুশান্ত, কঙ্কনা, প্লাবিতা, ৰত্ন, বিক্ৰান্ত বা আহানা, সকলোৱে তেওঁলোকৰ চৰিত্ৰ ফুটাই তুলাত সক্ষম হয়।
এই চলচ্চিত্ৰখন মিছ নকৰিব কিয়নো এনেকোৱা প্ৰতিদিনেই নহয় যেতিয়া বলীউডে মহিলা আৰু তেওঁলোকৰ আকাংক্ষাৰ কথা মুকলিকৈ প্ৰকাশ কৰিবলৈ সাহস কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
