যুদ্ধ চলিবলৈ এডাল্ট ভিডিঅ’ৰ পৰা কৰ সংগ্ৰহ! আইন সলোৱাৰ পথত ইউক্ৰেইন

২০২৪ চনৰ নৱেম্বৰত পৰ্ণগ্ৰাফীক অপৰাধমুক্ত কৰাৰ বাবে এখন খচৰা আইন পেছ কৰিছিল ঝেলেজনিয়াকে৷ তেওঁ জনাইছিল, যাতে প্ৰাপ্তবয়স্কসকলৰ অন্তৰংগ ভিডিঅ তৈয়াৰ আৰু বিতৰণৰ বাবে তিনিৰ পৰা পাঁচ বছৰ কোনোৱে কাৰাবাস খাটিব নালাগে তাৰবাবে আইন সংশোধন কৰিব লাগে৷ এই বিলক সমৰ্থন জনাইছিল হেটমানতছেভেও৷ তেওঁলোকৰ মত, ‘যুদ্ধৰ সময়ত দেশৰ বাবে এয়া অত্যন্ত গুৰুত্বপূৰ্ণ৷ অৰ্থ আৰু সহায়ৰ বাবে তেওঁলোকৰ দায়িত্বশীল অৱস্থান আৰু অৱদানৰ বাবে আমি তেওঁলোকৰ ওচৰত কৃতজ্ঞহে হ’ব লাগে৷ সমাজে এফালে নৈতিকভাৱে নিন্দা কৰিব অন্যহাতে সেনাবাহিনীৰ বাবে অৰ্থ গ্ৰহণো প্ৰাপ্তবয়স্কৰ ছবি নিৰ্মাতাৰ পৰাই সংগ্ৰহ কৰিব৷ এই ভণ্ডামী বন্ধ হোৱাটো খুবেই প্ৰয়োজন৷

ইউক্ৰেইনৰ প্ৰায়সংখ্যক বিশ্লেষকৰ মত যে প্ৰাপ্তবয়স্কৰ বিষয়বস্তুক অপৰাধমুক্ত ঘোষণা কৰিলে বাৰ্ষিক অতিৰিক্ত ১ কোটি ২৩ লাখ ডলাৰ ৰাজহ সংগ্ৰহ কৰিব পাৰিব কিয়েভে৷ যাৰ পৰা ২৪,০০০ ফাৰ্ষ্ট পাৰ্ছন ভিউ ড্ৰোন ক্ৰয় কৰাও সম্ভৱ হ’ব৷ অথচ ২০২৪ চনৰ ইউক্ৰেইনীয় আইনৰ ফৌজদাৰি বিধিৰ ৩০১ নম্বৰ অনুচ্ছেদৰ অধীনত প্ৰায় ১৪০০ টা গোচৰ ৰুজু হৈছে৷ এই সন্দৰ্ভত বিশ্লেষকৰ মত যে এই যুদ্ধৰ সময়ত ৰাষ্ট্ৰীয় সম্পদৰ ভুল বণ্টন৷ প্ৰাপ্তবয়স্কৰ ছবিক লৈ তৈয়াৰ হোৱা বিলক সমৰ্থন কৰা আৰু নকৰা দুটা ভাগত বিভক্ত হৈছে সেই দেশৰ সাংসদসকল৷ ইউক্ৰেইনৰ আৰক্ষী প্ৰধানে এই সন্দৰ্ভত মত প্ৰকাশ কৰি জনাইছে যে পৰ্ণগ্ৰাফীক আইনে সমৰ্থন কৰিলে নৈতিক মূল্যবোধ নষ্ট হৈ পৰিব৷ ইউক্ৰেইনীয় সমাজৰ এটা অংশই তেওঁৰ মতক সমৰ্থন জনাইছে৷ এই সন্দৰ্ভত ঝেলেজনিয়াকে কৈছে যে সংসদত বিলখন পাছ কৰাৰ বাবে ২২৬ টা ভোটৰ প্ৰয়োজন৷ ইতিমধ্যেই ২১০ টা ভোট পোৱাটো কিন্তু নিশ্চিত৷