বৃদ্ধি পাব শীতৰ প্ৰকোপ, ৬ ৰাজ্যত বৰষুণৰ আগজাননী
শীতৰ আগমণ হৈছে , লাহে লাহে বৃদ্ধি পাইছে শীত। দিনৰ ভাগত গৰম থাকিলেও নিশা শীত নামি আহে। বতৰ বিজ্ঞান কেন্দ্ৰকৰ ফালৰ পৰাও সদৰি হৈছে শীতৰ আগজাননীৰ কথা। লগতে এইবাৰ শীতৰ প্ৰকোপ অধিক বৃদ্ধি পাব বুলি সদৰি বতৰ বিজ্ঞান কেন্দ্ৰৰ ফালৰ পৰা।
আনহাতে ভাৰতৰ ৬ ৰাজ্যত বৰষুণৰ সম্ভাৱনা বুলিও সদৰি বতৰ বিজ্ঞান কেন্দ্ৰৰ। উত্তৰ ভাৰতত ইতিমধ্যে শীতৰ প্ৰকোপ বৃদ্ধি পাইছে। বতৰ বিজ্ঞান বিভাগৰ ফালৰ পৰা সদৰি কৰা অনুসৰি অহা ১৫ নৱেম্বৰৰ পৰা দেশৰ উত্তৰ অংশত শীতৰ প্ৰকোপ প্ৰৱল ভাৱে বৃদ্ধি পাব।
ৰাজধানী দিল্লীকে ধৰি ৰাজস্থান, পাঞ্জাৱ, হাৰিয়ানা, মধ্যপ্ৰদেশত ঘন কুঁৱলিৰ চাদৰ ইতিমধ্যে পৰা দেখা গৈছে। অনাগত দিনত অদিক শীত পৰিব। ৰাজস্থানত এইবাৰ বৰফৰ চাদৰ দেখা গৈছে কোনো এলেকাত।
ইয়াৰ উপৰিও বতৰ বিভাগে অনাহত ৫-৬ দিনত কেইবাখনো ৰাজ্যত বৰষুণৰ সম্ভাৱনা ব্যক্ত কৰিছে। প্ৰকাশ পোৱা জাননী অনুসৰি, বংগোপসাগৰত নিম্ন চাপৰ এলেকা গঠন হোৱাৰ সম্ভাৱনা আছে। ইয়াৰ প্ৰভাৱৰ বাবে ১১ নৱেম্বৰৰ পৰা ১৬ নৱেম্বৰৰ ভিতৰত দেশৰ বহু ৰাজ্যত ঘন বৰষুণ হ’ব পাৰে।
আজি ১১ নৱেম্বৰত তামিলনাডু, পুডুচেৰী, কৰিকালত প্ৰবল বৰষুণ হব পাৰে। ১২ নৱেম্বৰত উপকূলীয় অন্ধ্ৰপ্ৰদেশ, তামিলনাডু, পুডুচেৰী আৰু যমন, ৰায়ালাসীমা, কৰাইকাল চহৰৰ ওপৰত প্ৰচণ্ড বৰষুণ হ’ব পাৰে। ১৩ নৱেম্বৰত তামিলনাডু, পুডুচেৰী, কেৰালা, উপকূলীয় অন্ধ্ৰপ্ৰদেশ আৰু যমন, মাহে, ৰায়ালাসীমাৰ ওপৰত প্ৰচণ্ড বৰষুণ হ’ব পাৰে।
১৪ নৱেম্বৰত তামিলনাডু, কেৰালা, অন্ধ্ৰ প্ৰদেশ, পুডুচেৰী, দক্ষিণ অভ্যন্তৰীণ কৰ্ণাটক, উপকূলীয় কৰ্ণাটক আৰু কৰৈকাল, মাহে, যমন, ৰায়ালাসীমাৰ ওপৰত প্ৰচণ্ড বৰষুণ হ’ব পাৰে। ১৫ নৱেম্বৰত তামিলনাডু, পুডুচেৰী, কেৰালা আৰু কাৰাইকাল, মাহেত ধাৰাসাৰ বৰষুণ হ’ব পাৰে। ১৬ নৱেম্বৰত কেৰালা আৰু মাহেত ধাৰাসাৰ বৰষুণৰ সম্ভাৱনা আছে। ইয়াৰ বাহিৰে দেশৰ আন ৰাজ্যত বৰষুণৰ কোনো পূৰ্বাভাস পোৱা নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
