আজি বিশ্ব যকৃত দিৱস, গ্ৰীষ্মকালত কিদৰে ল’ব ইয়াৰ যত্ন, আজিয়ে ত্যাগ কৰক এই অভ্যাস
মানৱ শৰীৰৰ প্ৰতিটো অংগৰ গুৰুত্ব বেলেগ বেলেগ। যকৃতো তাৰ ভিতৰত অন্যতম। যকৃতৰ এটা বিশেষ বৈশিষ্ট্য হ’ল কোনো সমস্যা হ’লে ই নিজে সুস্থ হৈ উঠে। কিন্তু ইয়াৰ অৰ্থ এইটো নহয় যে আমি ইয়াক সহজভাৱে ল’ব লাগে। বহু সময়ত মানুহে ইয়াৰ অৱনতিৰ প্ৰাৰম্ভিক লক্ষণবোৰক আওকাণ কৰে, যাৰ বাবে ভৱিষ্যতে তেওঁলোকে বৃহৎ লোকচানৰ সন্মুখীন হ’বলগীয়া হয়।
প্ৰতি বছৰে ১৯ এপ্ৰিলত বিশ্ব যকৃত দিৱস হিচাপে পালন কৰা হয়। লিভাৰ ডে’ৰ বিশেষত্ব হ’ল এই দিনটোত মানুহক লিভাৰ সম্পৰ্কীয় ৰোগৰ বিষয়ে সজাগ কৰা হয়। এইবৰ্ষৰ যকৃত দিৱসৰ থিম হৈছে Food is Medicine। ইয়াৰ অৰ্থ হ’ল -খাদ্য ঔষধ।
এইবাৰৰ বিষয়বস্তু খাদ্য আৰু পুষ্টিৰ সৈতে জড়িত। ভাল খাদ্যই প্ৰতিটো ৰোগৰ পৰা আঁতৰি থকাত সহায় কৰে আৰু যকৃতৰ ৰোগ জীৱনশৈলীৰ লগত জড়িত, য’ত খাদ্যও অন্তৰ্ভুক্ত।
এই অভ্যাসবোৰে যকৃতৰ ক্ষতি কৰে-
১) মদ্যপান- মানুহৰ বিশেষকৈ যুৱক-যুৱতীৰ যকৃতৰ ক্ষতি হোৱাৰ আটাইতকৈ গুৰুত্বপূৰ্ণ কাৰণ হ’ল মদ্যপান। মানুহে এই ক্ষতিকাৰক পানীয় দৈনিক খাবলৈ আৰম্ভ কৰিছে, যিটো ঠিক নহয়।
২) ধূমপান- বেছিকৈ চিগাৰেট সেৱন কৰিলেও যকৃতৰ সমস্যা হব পাৰে।
৩) পানী কমকৈ খোৱা- প্ৰয়োজন অনুসাৰে পানী সেৱনৰ ফলত যকৃত সমস্যামুক্ত হৈ থাকে, কিন্তু পানী কমকৈ সেৱন কৰিলেঅংগটোৰ ক্ষতি হয় আৰু চৰ্বি জমা হ’ব পাৰে।
৪) ঔষধ- বিষ নিৰাময় ঔষধ গ্ৰহণ কৰিলেও যকৃতৰ স্বাস্থ্যৰ ওপৰত প্ৰভাৱ পৰে। সেয়ে চিকিৎসকৰ পৰামৰ্শ অবিহনে ঔষধ খাব নালাগে।
৫) মেদবহুলতা- অত্যধিক মেদবহুলতাই যকৃতৰ স্বাস্থ্যও নষ্ট কৰে। দেৰিলৈকে সাৰে থকাটোৱেও যকৃতত প্ৰভাৱ পেলায়।
যকৃতৰ ক্ষতিৰ লক্ষণ-
সঘনাই ভাগৰুৱা অনুভৱ কৰা।
ভোক কমি যোৱা আৰু দ্ৰুত ওজন কমি যোৱা।
পেট ফুলা ।
জণ্ডিচ।
প্ৰস্ৰাৱৰ গাঢ় ৰং।
সুষম খাদ্য-
সেউজীয়া শাক-পাচলি যেনে ব্ৰকলি, কবি, ফুলকবি আদি
সতেজ আৰু বতৰৰ ফল-মূল
হালধি
কম চৰ্বি আৰু কেলৰি থকা প্ৰটিন
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
