মাথো ২২ বছৰতেই ইতিহাস ৰচি শচিন-বিৰাটৰ ক্লাবত যোগ যশস্বীৰ
বৰ্তমানে অষ্ট্ৰেলিয়াৰ মাটিত ভাৰত আৰু বনাম অষ্ট্ৰেলিয়াৰ টেষ্ট মেচ চলি আছে। প্ৰথম ইনিংছত ভাৰতে অষ্ট্ৰেলিয়াতকৈ আগবঢ়াৰ লগতে বৰ্তমানলৈ ৩০০ ৰ ওপৰত অগ্ৰগতি লাভ কৰি আছে । প্ৰথম ইনিংছত ভাৰতীয় বলাৰে সুন্দৰ ভাৱে খেলি ১০৪তে নিয়ন্ত্ৰণত ৰাখে কেংগাৰু বাহিনীক।
তাৰ পাছতে দ্বিতীয় ইনিংছত ভাৰতীয় ক্ৰিকেটাৰে সুন্দৰ আৰম্ভণি কৰিছে। নবাগত যশস্বী জয়ছৱালে শতক কৰাৰ লগতে কে এল ৰাহুলে ৭৭ ৰান কৰি আউট হয়। পাছে তাৰেই মাজতে নবাগত যশস্বী জয়ছৱালে এক ইতিহাস ৰচে। ১৬১ ৰান কৰি অকলেই দলত এক শক্তিশালী স্থানত উপনীত কৰায়।
মাথো ২২ বছৰ বয়সতে ক্ৰিকেটৰ ভগৱান বিৰাট আৰু কিং কোহলীৰ সমানে একেটা ক্লাবতে স্থান লাভ কৰিছে যশস্বীয়ে। অষ্ট্ৰেলিয়াৰ মাটিত ইতিহাসৰ সৃষ্টি কৰিছে ভাৰতীয় অ’পেনিং বেটছমেন যশস্বী জয়ছৱালে। আজি ২৪ নৱেম্বৰ তাৰিখ দেওবাৰে ২২ বছৰীয়া যশস্বীয়ে নিজৰ কেৰিয়াৰৰ চতুৰ্থটো শতক অৰ্জন কৰে।
পাৰ্থত যশস্বীয়ে ২০৫ বলত শতক সম্পূৰ্ণ কৰি এক ডাঙৰ অভিলেখ গঢ়িবলৈ সক্ষম হয়। কম বয়সতে কেংগাৰুৰ মাটিত শতক অৰ্জন কৰা ভাৰতীয় বেটছমেনসকলৰ ভিতৰত যশস্বীৰ নাম এতিয়া অন্তৰ্ভুক্ত হৈছে। বৰ্তমান জয়ছোৱালৰ বয়স ২২ বছৰ ৩৩২ দিন।
আনহাতে কিংবদন্তি শচীন টেণ্ডুলকাৰে ১৯৯২ চনত মাথো ১৮ বছৰ বয়সতে প্ৰথমটো শতক অৰ্জন কৰিছিল। ইয়াৰ বাহিৰেও বিৰাট কোহলীয়ে ২৩ বছৰ বয়সত এই কৃতিত্ব কৰিছিল। তাৰ পাছতে এতিয়া কম বয়সতে অষ্ট্ৰেলিয়াৰ মাটিত শতক কৰি শচীন-বিৰাটৰ শাৰীতে স্থান লাভ যশস্বীৰ।
অৱশ্যে এই তালিকাত ভাৰতীয় দলটোৰ আন এগৰাকী খেলুৱৈ ঋষভ পন্তৰ নামো অন্তৰ্ভুক্ত আছে। মাথো ২১ বছৰ ৯১ দিন বয়সত অষ্ট্ৰেলিয়াত শতক অৰ্জন কৰাৰ কৃতিত্ব অৰ্জন কৰিছিল উইকেটকীপাৰ বেটছমেনগৰাকীয়ে।
জয়ছৱালে চলিত বৰ্ষত অষ্ট্ৰেলিয়াৰ মাটিত বৰ্তমানলৈ তিনিটা শতক অৰ্জন কৰিছে। যাৰ পলত যশস্বীয়ে শচীন তেণ্ডুলকাৰৰ ২২ বছৰ বয়সত এটা কেলেণ্ডাৰ বৰ্ষতে তিনিটা শতক অৰ্জন কৰাৰ অভিলেখৰো সমান হৈ পৰিছে। ১৯৯২ চনত শচীনে এই কৃতিত্ব কৰিছিল।
উল্লেখ্য যে, যশস্বী জয়ছৱালে সামগ্ৰিকভাৱে অষ্ট্ৰেলিয়াৰ মাটিত টেষ্টত শতক অৰ্জন কৰা ২৩ সংখ্যক ভাৰতীয় বেটছমেন হিচাপে পৰিগণিত হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
