মানৱেন্দ্ৰ কুমাৰ দাসঃ অহা ১৩ জুলাইত গুৱাহাটীত উপস্থিত হ’ব যশৱন্ত সিনহা৷ বিৰোধী শিবিৰৰ ৰাষ্ট্ৰপতি পদৰ প্ৰাৰ্থীগৰাকী উপস্থিত থাকিব প্ৰদেশ কংগ্ৰেছে আয়োজন কৰা সন্মিলিত বিৰোধীৰ এক সভাত।
গুৱাহাটী শ্ৰীমন্ত শংকৰদেৱ কলাক্ষেত্ৰত অনুষ্ঠিত হ’বলগীয়া বৈঠকলৈ কিন্তু আমন্ত্ৰিণ নহ’ল আন এটা প্ৰধান বিৰোধী দল AIUDF ৷
বৈঠকৰ তথ্য ৰাজহুৱা কৰিছে APCCৰ সভাপতি ভূপেন বৰাই৷ ৰাষ্ট্ৰপতি নিৰ্বাচনত নাথাকিব দলীয় হুইপ। বিবেক ভোটৰ আহ্বান জনালে ভূপেন বৰাই।
শাসক পক্ষৰ ওপৰত মনস্তাত্ত্বিক চাপ সৃষ্টিৰ কৌশল। অহা ১৮ জুলাইত অনুষ্ঠিত হ’ব দেশৰ পৰৱৰ্তী ৰাষ্ট্ৰপতি পদৰ নিৰ্বাচন৷
এই নিৰ্বাচনত বিবেক ভোটৰ আহ্বান জনায় শাসক পক্ষৰ ওপৰত মনস্তাত্ত্বিক চাপ সৃষ্টি কৰিবলৈ কৌশল ৰচিছে বিৰোধী শিবিৰে৷
APCCৰ সভাপতিগৰাকীৰ ভাষ্যত ফুঁটি উঠিছে এই ধাৰণা৷ ৰাষ্ট্ৰপতি নিৰ্বাচনৰ বিৰোধীৰ উমৈহতীয়া প্ৰাৰ্থী যশৱন্ত সিনহাৰ উপস্থিতিত গুৱাহাটীত অনুষ্ঠিত হ’বলৈ বিৰোধী শিবিৰৰ আন এক বৃহৎ শক্তি AIUDFক আমন্ত্ৰণ জনোৱা হোৱা নাই৷
তাৰ বিপৰীতে শাসক পক্ষৰ ওপৰত মনস্তাত্ত্বিক চাপ সৃষ্টি কৰিবলৈ কৌশল ৰচিছে বিৰোধী শিবিৰে৷ অৱশ্যে ১৮ জুলাইতহে স্পষ্ট হ’ব বিৰোধী শিবিৰৰ প্ৰকৃত ৰাজনৈতিক শক্তি৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
