গোবিন্দপুৰী অঞ্চলত এজন যুৱকৰ মৃতদেহ উদ্ধাৰক লৈ ৰহস্যৰ সৃষ্টি হৈছে৷ চিপ লৈ থকা যুৱকজনৰ হাত দুখন ৰছীৰে আৰু চকুত পটি বান্ধি থোৱাৰ অৱস্থাত মৃতদেহটো উদ্ধাৰ কৰা হৈছে৷ আৰক্ষীৰ লগতে ফৰেনছিক দলে ঘটনাস্থলীত উপস্থিত হৈ মৃতদেহটো উদ্ধাৰ কৰি মৰণোত্তপ পৰীক্ষাৰ বাবে প্ৰেৰণ কৰে৷
আৰক্ষীয়ে মৃতদেহটো বুৰাৰী আত্মহত্যাৰে সাদৃশ্য থকাৰ কথা প্ৰকাশ কৰিছে। উল্লেখ্য যে কেইবছৰমান আগতে বুৰাৰী অঞ্চলত একেটা পৰিয়ালৰে ১১ জন সদস্যৰ আত্মহত্যা কাণ্ড পোহৰলৈ আহিছিল৷ উক্ত আত্মহত্যা কাণ্ডৰ মৃতদেহসমূহ তদ্ৰূপৰূপত উদ্ধাৰ কৰা হৈছিল৷
লগতে পঢ়ক জঘন্য! ৬৫ বছৰীয়া পুৰোহিতৰ ১৫ বছৰীয়া বিকলাংগ কিশোৰীক ৩ মাহ ধৰি ধৰ্ষণ
আৰক্ষীৰ সন্দেহ যে যুৱকজনে কোনো তন্ত্ৰ-মন্ত্ৰৰ গ্ৰাসত পৰি বুৰাৰী আত্মহত্যাৰ কাণ্ডৰ দৰে আত্মহত্যা কৰিব পাৰে৷ বৰ্তমান গোবিন্দপুৰী আৰক্ষী থানাৰ আৰক্ষীয়ে ঘটনা সন্দৰ্ভত মৃত যুৱকজনৰ পৰিয়াল আৰু বন্ধুবৰ্গক জেৰা কৰি অনুসন্ধান চলাই আছে। প্ৰাৰম্ভিক অনুসন্ধানৰ পিছতে আৰক্ষীয়ে ইয়াক আত্মহত্যা বুলি সন্দেহ প্ৰকাশ কৰিছে।
দক্ষিণ-পূব জিলা আৰক্ষীয়ে প্ৰকাশ কৰা অনুসৰি মৃত যুৱকজন অজয় গুপ্তা (৩৫)৷ অজয়ে অকলে গোবিন্দপুৰীৰ লেন-৭ৰ চতুৰ্থ মহলাত বাস কৰিছিল। অজয়ে পত্নীসহ দুই সন্তান এৰি গ’লেও তেওঁ পৃথকে বাস কৰি আহিছিল।
আৰক্ষীয়ে প্ৰকাশ কৰা মতে যোৱা ডেৰ বছৰ আগতে এক ঘৰুৱা বিবাদত লিপ্ত হৈ অজয়ৰ পত্নীয়ে দুই সন্তানৰ সৈতে লক্ষ্মী নগৰত পৃথকে বাস কৰিবলৈ লৈছিল৷
লগতে পঢ়ক মৃত্যুদূত ৱে’গনাৰ হাতৰ পৰা পুনৰ প্ৰাণৰক্ষা পৰিল ৰাষ্ট্ৰপতি জেলেনস্কিৰ!
শুকুৰবাৰে নিশা অজয়ৰ খুৰাকে চতুৰ্থ মহলাত উপস্থিত হৈ চিপ লৈ ফেনত ওলমি থকা অৱস্থাত অজয়ৰ অৰ্ধগলিত মৃতদেহটো প্ৰত্যক্ষ কৰে। অজয়ৰ দুখন হাত পিছফালৰ পৰা বান্ধি থোৱাৰ লগতে চকুতো বগা কাপোৰেৰে পটি লগোৱা আছিল। খুৰাকে অজয়ৰ মৃতদেহ প্ৰত্যক্ষ কৰি চুবুৰীক এই বিষয়ে অৱগত কৰি আৰক্ষীক খবৰ দিয়ে।
আৰক্ষীয়ে উপস্থিত হয় তদন্ত আৰম্ভ কৰি ঘটনাস্থলীৰ পৰা কোনো চুইচাইড নোট উদ্ধাৰ কৰা নাই যদিও প্ৰাথমিক অনুসন্ধানৰ ভিত্তিত অজয়ে আত্মহত্যা কৰা বুলি সন্দেহ প্ৰকাশ কৰিছে৷ অৱশ্যে আৰক্ষীয়ে মৰণোত্তৰ পৰীক্ষাৰ প্ৰতিবেদন প্ৰকাশ পোৱাৰ পিছতহে ঘটনাটোৰ প্ৰকৃত কাৰণ জানিব পৰা যাব বুলিও প্ৰকাশ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
