পুনৰ পুৰোহিতৰ কিশোৰীৰ ধৰ্ষণ কাণ্ডৰ ঘটনা পোহৰলৈ আহিছে৷ এগৰাকী ১৫ বছৰীয়া বিকলাংগ কিশোৰীক এজন ৬৫ বছৰীয়া পুৰোহিতে ৩ মাহ ধৰি ধৰ্ষণ কৰি অহাৰ গুৰুতৰ অভিযোগ উত্থাপন হৈছে৷
ঘটনাটো পঞ্জাৱৰ লুধিয়ানাৰ মাচিৱাৰাৰ নুৰপুৰ গুৰুদ্ধাৰৰ৷ ঘটনাৰ বিৱৰণীৰ মতে চুহান সিং ওৰফে চুহানী নামৰ ৬৫ বছৰীয়া পুৰোহিতজনে মানসিকভাৱে অসুস্থ কিশোৰীগৰাকীক প্ৰায় ৩ মাহ ধৰি উপৰ্যপুৰি ধৰ্ষণ কৰি আহিছিল৷
আৰক্ষীয়ে প্ৰকাশ কৰা মতে পুৰোহিতজনে কিশোৰীগৰাকীক কেৱল ধৰ্ষণ কৰাই নহয়, গৰ্ভধাৰণৰ পৰা ৰক্ষা পৰিবলৈ কিশোৰীগৰাকীক গৰ্ভনিৰোধক ব্যৱহাৰ কৰিবলৈ বাধ্য কৰাই আহিছিল৷
লগতে পঢ়ক পাক প্ৰধানমন্ত্ৰী বিৰুদ্ধে অনাস্থা প্ৰস্তাৱ : গাদী হেৰুওৱাব নেকি ইমৰাণ খানে!
ইতিমধ্যে স্থানীয় লোকৰ অভিযোগৰ ভিত্তিত অভিযুক্ত পুৰোহিতগৰাকীক আৰক্ষীয়ে গ্ৰেপ্তাৰ কৰিছে৷
ইফালে উত্তৰ প্ৰদেশতো এগৰাকী ১২ বছৰীয়া কিশোৰীক ধৰ্ষণৰ ঘটনা পোহৰলৈ আহিছে৷ আৰক্ষীয়ে প্ৰকাশ কৰা অনুসৰি ৰাজ্যখনৰ ভাদোহী জিলাৰ কৈৰাউনা আৰক্ষী থানাৰ অন্তৰ্গত এখন গাঁৱত এক সম্পৰ্কীয় ভাতৃয়ে এগৰাকী ১২ বছৰীয়া কিশোৰীক ধৰ্ষণ কৰে৷
লগতে পঢ়ক কেন্দ্ৰীয় চৰকাৰৰ বিৰুদ্ধে দুদিনীয়া ভাৰত বন্ধ : দেশৰ বিভিন্ন প্ৰান্তত দেখা গ’ল বন্ধৰ প্ৰভাৱ
আৰক্ষীয়ে প্ৰকাশ কৰা মতে যোৱা শুকুৰবাৰে কিশোৰীগৰাকীৰ মাতৃয়ে নিশা চুবুৰীয়াৰ ঘৰৰ পৰা গাখীৰ আনিবলৈ যোৱাৰ সময়তে সম্পৰ্কীয় ভাতৃ প্ৰদীপ কুমাৰে(২৫) কিশোৰীগৰাকীক ঘৰৰ পৰা প্ৰায় ১০০ মিটাৰ দূৰৰ এটা কুটীৰলৈ নি ধৰ্ষণ কৰে৷
যুৱকজনে কিশোৰীগৰাকীক ধৰ্ষণ কৰি উক্ত স্থানৰ পৰা পলায়ন কৰে৷ আৰক্ষীয়ে কিশোৰীগৰাকীৰ পৰিয়ালৰ লোকৰ অভিযোগৰ ভিত্তিত অভিযুক্ত প্ৰদীপ কুমাৰক গ্ৰেপ্তাৰ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
