হঠাৎ যদি আপোনাৰ ফোনলৈ অদ্ভুত মেছেজ আহে, ‘আপোনাৰ ফোনত ছিকিউৰিটিৰ সমস্যা হৈছে আপুনি এই লিংকত ক্লিক কৰি সবিশেষ জানক’ তেতিয়া নিশ্চয় আপুনিও কিছু চিন্তাত পৰে৷ তাৰপাছতেই ভাৱে যে নতুন আপডেট কৰিলেই ঠিক হৈ যাব৷ তাৰপিছতেই বিশেষ লিংকত ক্লিক কৰি পেলাই৷
এই ক্লিকতেই আৰম্ভ বিপত্তিৰ৷ মুহূৰ্তৰ ভিতৰতেই ফোনৰ স্ক্ৰীণ ব্লেক হৈ যায় তাৰপিছতেই আপুনি আপোনাৰ ফোনত একোৱেই টাচ্চ কৰিব নোৱাৰা হয়৷ ফোনৰ কোনো এপ্লিকেছনেই খুলিব নোৱাৰে৷ এনে লক্ষণে দেখা দিলেই বুজিব যে এয়া আপোনাৰ ফোন হেক হোৱাৰ সংকেত৷ আপোনাৰ ফোনত কোনোৱে সম্পূৰ্ণ নিয়ন্ত্ৰণ লৈ পেলইছে৷ তেতিয়া কৰি কৰিব আপুনি?
১. ফোনৰ ইণ্টাৰনেট আৰু ব্লুটুথ অফ কৰকঃ এনে পৰিস্থিতিৰ সন্মুখীন হ’লে ডাটা আৰু ব্লুটুথ বন্ধ কৰি দিব৷ এয়া খুব গুৰুত্বপূৰ্ণ৷ কাৰণ হেকাৰে যদি ফোনৰ মাধ্যমেৰে আমাৰ তথ্য চুৰি কৰিব খোজে তেনে নেটৱৰ্কৰ মাধ্যমেৰেই আপুনি আপোনাৰ এক্সেছ বন্ধ কৰিব লাগিব৷
২. বেকআপ লৈ লওকঃ ফোনৰ সমস্ত গুৰুত্বপূৰ্ণ তথ্য ক্লাউডলৈ বেকআপ কৰিব৷ ফোন হেক হ’লেও তথ্য আপোনাৰ হাতত থাকি যাব৷ সমস্ত ফটো, মেছেজ আৰু কন্টেক্ট বেকআপ লওক৷
৩. পাছৱৰ্ড সলাওকঃ যিমান সোনকালে সম্ভৱ ছচিয়েল মিডিয়া একাউণ্টৰ পাছৱৰ্ড সলনি কৰক৷ ইমেইল, ফেছবুক, ইনষ্টাগ্ৰাম, টুইটাৰ সকলোৰে পাছৱৰ্ড সলাওক৷ যিহেতু হেকাৰে এতিয়া ফোনৰ ওপৰত নিয়ন্ত্ৰণ পাইছে সেয়ে তেওঁলোকৰ দ্বাৰা একাউণ্টসমূহৰ নিৰাপত্তা বিপদত পৰিব পাৰে৷
৪. বেংক একাউণ্ট চেক কৰকঃ এয়া সকলোতকৈ গুৰুত্বপূৰ্ণ৷ কিবা অস্বাভাৱিক লেনদেন হৈছিল নেকি সেয়া পৰীক্ষা কৰক৷
৫. প্ৰয়োজনত আৰক্ষীৰ সহায় লওকঃ যদি আপোনাৰ ফোনত অদ্ভুত কোনো কাৰ্যকলাপ দেখা পায় তেনে একাউণ্ট হেক হোৱাৰ লক্ষণ৷ এনে পৰিস্থিতিৰ সন্মুখীন হ’লে আৰক্ষীৰ সৈতে যোগাযোগ কৰা উচিত৷ তেওঁলোকে তদন্তত সহায় কৰিব৷
৬. ফোনটো ৰিচেট কৰকঃ সৰ্বশেষত ফোনটোৰ ফেক্টৰি ৰিচেট কৰক৷ যদিও ইয়াত আপোনাৰ তথ্য ডিলিট হ’ব তথাপিও ফোন হেকাৰে আপোনাৰ ফোনটোৰ বিশেষ তথ্য ল’ব নোৱাৰিব৷
ডিজিটেল যুগ৷ আমি ডিজিটেল নিৰাপত্তাক লৈ আৰু সচেতন হ’ব লাগিব৷ প্ৰযুক্তিৰ দুনীয়াত এনে হেকিং ঘটিব পাৰে৷ কিন্তু সচেতনতা আৰু দ্ৰুত পদক্ষেপ লৈ পৰিস্থিতি নিয়ন্ত্ৰণত ৰখা সম্ভৱ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
