জিম্বাবুৱেৰ বিৰুদ্ধে বৃহৎ জয় হলেও প্ৰদৰ্শন বেয়া হোৱা বাবে ভাৰতীয় দলৰ পৰা বাহিৰ হোৱাৰ সম্ভাৱনা এইগৰাকী খেলুৱৈৰ

জিম্বাবুৱেৰ বিৰুদ্ধে বৃহৎ জয় হলেও প্ৰদৰ্শন বেয়া হোৱা বাবে ভাৰতীয় দলৰ পৰা বাহিৰ হোৱাৰ সম্ভাৱনা এইগৰাকী খেলুৱৈৰ

প্ৰথম খেলত পৰাজয়ৰ পোতক তুলি ১০০ ৰানৰ বৃহৎ ব্যৱধানত জিম্বাবুৱেক পৰাস্ত কৰিলে ভাৰতে। কিন্তু তাৰ পাছতো ভাৰতীয় দলৰ এগৰাকী খেলুৱৈ বাহিৰ হোৱাৰ সম্ভাৱনা। প্ৰদৰ্শন একেবাৰে বেয়া হোৱা বাবে দলৰ পৰা বাহিব হব পাৰে খেলুৱৈ গৰাকী।

টিম ইণ্ডিয়া বৰ্তমান জিম্বাবুৱে ভ্ৰমণত আছে, য’ত ভাৰত আৰু জিম্বাবুৱেৰ মাজত ৫খন খেলৰ টি-২০ শৃংখলা অনুষ্ঠিত হৈছে। এতিয়ালৈকে শৃংখলাৰ ২ খন মেচ খেলা হৈছে। ইয়াৰে এখনত ভাৰত আৰু এখনত জিম্বাবুৱেই জয়লাভ কৰিছে।

প্ৰথমখন মেচত টিম ইণ্ডিয়াৰ বেটিং অতি দুৰ্বল আছিল যদিও দ্বিতীয়খন মেচত ভাৰতীয় বেটছমেনৰ পৰা দেখা গ’ল ধুমুহা। অহা ১০ জুলাইত অনুষ্ঠিত হ’ব এই শৃংখলাৰ তৃতীয়খন মেচ। এই মেচত টিম ইণ্ডিয়াৰ প্লেইং ইলেভেনত পৰিৱৰ্তন দেখা যাব পাৰে।

https://x.com/CricCrazyJohns/status/1809960520172367885

শৃংখলাৰ প্ৰথমখন মেচত উইকেটকীপাৰ বেটছমেন ধ্ৰুৱ জুৰেলে টিম ইণ্ডিয়াৰ হৈ টি-২০ ইণ্টাৰনেশ্যনেলত অভিষেক ঘটায়। অৱশ্যে প্ৰথমখন মেচতে জুৰেলে ফ্লপ কৰে। ইয়াৰ বাহিৰেও দ্বিতীয়খন মেচত ধ্ৰুৱে বেটিং কৰাৰ সুযোগ নাপালে। এতিয়া তৃতীয়খন মেচৰ পূৰ্বে দ্বিতীয় উইকেটকীপাৰ বেটছমেন সঞ্জু চেমছনে হাৰাৰেত টিম ইণ্ডিয়াত যোগদান কৰিছে।

সঞ্জুক টি-২০ বিশ্বকাপ ২০২৪ৰ বাবে দলত নিৰ্বাচিত হৈছিল। যদিও তেওঁ প্ৰতিযোগিতাখনত এখনো মেচ খেলিবলৈ নাপালে, এতিয়া তৃতীয়খন মেচত জুৰেলৰ ঠাইত সঞ্জু প্লেইং এলেভেনত অন্তৰ্ভুক্ত হ’ব পাৰে। আইপিএল ২০২৪ত সঞ্জুৰ প্ৰদৰ্শন ধ্ৰুৱ জুৰেলৰ তুলনাত বহু ভাল। যাৰ বাবেই সঞ্জুক টি-২০ বিশ্বকাপৰ বাবে নিৰ্বাচিত কৰা হৈছিল।

https://x.com/BCCI/status/1809957371319631886

ভাৰত আৰু জিম্বাবুৱেৰ মাজত অনুষ্ঠিত শৃংখলাৰ দ্বিতীয়খন মেচ ৭ জুলাইত অনুষ্ঠিত হয়। এই খেলখনত টিম ইণ্ডিয়াই ১০০ ৰানত জয়লাভ কৰি  শৃংখলাত সমতা স্থাপন কৰে। এইখন আছিল অভিষেক শৰ্মাৰ দ্বিতীয়খন টি-২০ আন্তঃৰাষ্ট্ৰীয় মেচ আৰু দ্বিতীয়খন মেচত অভিষেকে দ্ৰুত শতক অৰ্জন কৰে।

অভিষেকে মাত্ৰ ৪৭টা বলত এই শতক অৰ্জন কৰে। ইয়াৰ উপৰিও ৰুতুৰাজ গাইকোৱাড আৰু ৰিংকু সিঙেও সুন্দৰ ইনিংছ খেলিছিল। এই মেচখনত প্ৰথম বেটিং কৰি টিম ইণ্ডিয়াই ২০ অভাৰত ২টা উইকেট হেৰুৱাই ২৩৪ ৰান সংগ্ৰহ কৰে। যাৰ প্ৰতিক্ৰিয়া স্বৰূপে জিম্বাবুৱেৰ দলটোক ১৩৪ ৰানত বাণ্ডল আউট কৰা হয়।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ