অসম লাইভ ২৪ঃ মৰিগাওঁ দিৱসত জুবিনৰ সংগীতানুষ্ঠানত উত্তপ্ত পৰিস্থিতিক লৈ ৰাজ্যজুৰি চৰ্চা। মৰিগাঁও জিলা দিৱসৰ অন্তিমটো দিনত নিশা জুবিন গাৰ্গৰ সংগীতানুষ্ঠানত উদণ্ড যুৱকৰ উদ্ভণ্ডালি। চেন্ডেল, জোতা, চকীৰে সাংবাদিক তথা সংগীতানুষ্ঠান চাবৰ বাবে অহা জনতাক আক্ৰমণ কৰে উদণ্ড যুৱককেইজনে। ঘটনাক লৈ নিৰ্বিকাৰ ভূমিকাত থকা মৰিগাঁও জিলা প্ৰশাসনক লৈ উত্থাপিত হৈছে প্ৰশ্ন।
উল্লেখ্য যে, প্ৰায় অৰ্ধ লক্ষাধিক লোকৰ সমাগম ঘটিছিল এই অনুষ্ঠানটোত। জুবিন গাৰ্গৰ সংগীতানুষ্ঠানৰ পূৰ্বে বৰপেটাৰ আতচ-বাজিৰে উজলাই তোলা হয় মৰিগাঁও ষ্টেডিয়াম। সংগীতানুষ্ঠান আৰম্ভণিতে ভালধৰণেই আগবাঢ়িছিল। কিন্তু সংগীতানুষ্ঠান চলি থকাৰ মাজতে, সংগীতানুষ্ঠান উপভোগ কৰিব অহা একাংশ উদণ্ড দৰ্শকে আৰম্ভ কৰে উদ্ভণ্ডালি। চকী-মেজ ভাঙি শিল, বটল, চকী, জোতা, চেণ্ডেল নিক্ষেপ কৰাৰ লগতে সাংবাদিকৰ কেমেৰাতো আক্ৰমণ চলায়। কেইবাজনো সংবাদকৰ্মী আৰু অনুষ্ঠান উপভোগ কৰিব অহা মহিলা আক্ৰমণত আঘাতপ্ৰাপ্ত হয়। ইতিমধ্যে আৰক্ষীয়ে এই সন্দৰ্ভত কেইবাজনো যুৱকক আটক কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
