অসম লাইভ ২৪ঃ ক’ৰোনাকালত চৰকাৰে জনসাধাৰণক সচেতন কৰাৰ বাবে এই মহামাৰী প্ৰতিৰোধৰ বাবে সৰ্বাত্মক প্ৰচেষ্টা গ্ৰহণ কৰিছে। আনকি ম’বাইলত শুনা কলাৰ টিউনো পৰিৱৰ্তন কৰা হৈছিল। প্ৰথমতে এই কলাৰ টিউন ক’ৰোনা মহামাৰী কেনেকৈ প্ৰতিৰোধ কৰিব সেই সন্দৰ্ভত দেশৰ সকলো মানুহক এটা বাৰ্তা দিয়া হৈছিল। ৬ মাহ ধৰি ম’বাইল ফোনত সেই বাৰ্তা শুনি জনসাধাৰণ বিৰক্ত হৈছিল। কিন্তু এতিয়াৰ পৰা ম’বাইল ফোনত আপুনি সেই কণ্ঠ শুনা নাপায়। কাৰণ সেই কণ্ঠৰ পৰিৱৰ্তন কৰা হৈছে। এতিয়াৰ পৰা আপুনি ক’ৰোনা মহামাৰীৰ প্ৰতিৰোধৰ বাৰ্তা শুনিবলৈ পাব শতাব্দীৰ দুৰ্দান্ত নায়ক অমিতাভ বচ্চনৰ কণ্ঠ। বিগ বিৰ গহীন আৰু শক্তিশালী কণ্ঠত আপুনি ফোনত এটা নতুন ক’ৰোনাৰ বাৰ্তা শুনিবলৈ পাব। ফোনত অমিতাভ বচ্চনৰ কণ্ঠত আপুনি শুনিবলৈ পাব ‘হেল্ল’ আমাৰ দেশ আৰু সমগ্ৰ বিশ্ব কোভিড-১৯ৰ প্ৰত্যাহ্বানৰ সন্মুখীন হৈছে। কোভিড-১৯ এতিয়াও শেষ হোৱা নাই। গতিকে সতৰ্ক হোৱা আমাৰ দায়িত্ব। ক’ৰোনাক প্ৰতিৰোধ কৰাৰ বাবে নিয়মিত হাত ধোৱক, মাস্ক পৰিধান কৰক আৰু নিজৰ মাজত যথাযথ দূৰত্ব বৰ্তাই ৰখাৰ প্ৰয়োজন। কাহ, জ্বৰ বা চৰ্দি হ’লে হেল্পলাইন নম্বৰ ১০৭৫ত যোগাযোগ কৰক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
