অসম লাইভ২৪ঃ পিতৃয়ে বাগানত কাম কৰে৷ দিনহাজিৰা কৰি পৰিয়াল পোহপাল দিয়ে পিতৃয়ে৷ লখিমপুৰৰ হাৰমতি বাগানত কৰ্মৰত পিতৃয়ে অন্য দিনাৰ দৰে আজিও বাগানত কামৰ বাবেই ওলাই গৈছিল৷ বাগানত কাম কৰি থাকোতেই কন্যাই বাগানলৈ গৈ পিতৃক দিছে সুখৰ খবৰটো৷ কন্যা পূজা সোনোৱাল চতুৰ্থ বৰ্গৰ পৰীক্ষাত উত্তীৰ্ণ হৈছে৷ কন্যাৰ আনন্দখিনি ভগাই ল’বলৈকো পিতৃৰ ছুটী নাই৷ কাৰণ দিন হাজিৰা নকৰিলে আজিও পূজাৰ ঘৰত চৌকা নজ্বলে৷
পূজা সোনোৱালে লাভ কৰা চাকৰিৰ খবৰে এতিয়া উৎফুল্লিত কৰি তুলিছে পৰিয়ালটোক৷ পিতৃৰ লগতে পূজাইয়ো এই চাকৰিৰ বাবে ধন্যবাদ জনাইছে অসম চৰকাৰক৷ লখিমপুৰৰ হাৰমতিৰ শান্তিপুৰৰ অতি দুৰ্গম অঞ্চলৰ পৰা নিতৌ ৪/৫ কিঃমিঃ খোজ কাঢ়ি কলেজলৈ যায় পূজা। কষ্টৰ মাজতো পূজাৰ এই সফলতা এতিয়া বহুজনৰেই অনুুপ্ৰেৰণা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
