কামাখ্যা দেৱালয়ত দুর্গা পূজা কোন দিনা কিমান সময়ত হ’ব ?
অসম লাইভ ২৪ঃ কামাখ্যা দেৱালয়ৰ দুর্গাপূজাৰ সূচী ঘোষণা। দুর্গা পূজা উপলক্ষে দেৱালয়ৰ দুৱাৰ খোলা আৰু বন্ধ কৰাৰ নির্দিষ্ট সময় নির্ধাৰণ কৰা হৈছে। ১০ অক্টোবৰত চতুর্থী আৰু পঞ্চমী পূজাৰ বাবে পুৱা ১০.৩০ বজাত মন্দিৰৰ দুৱাৰ মুকলি কৰা হ’ব আৰু সূর্যাস্তৰ পাছত বন্ধ হ’ব। ১১ অক্টোবৰৰ ষষ্ঠীত পুৱা ৯ বজাৰ পৰা মন্দিৰৰ দুৱাৰ খোলা হ’ব আৰু দুপৰীয়া ১ বজাত ভোগ বিতৰণ কৰা হ’ব। সূর্যাস্তৰ পাছত বন্ধ হ’ব দেৱালয়। ১২ অক্টোবৰৰ সপ্তমী পূজা পুৱা ৯.৩০ বজাত আৰম্ভ হ’ব আৰু সূর্যাস্তৰ লগে লগে শেষ হ’ব। ১৩ অক্টোবৰৰ অষ্টমী পূজা পুৱা ১০.৩০ বজাৰ পৰা আৰম্ভ হ’ব আৰু বিয়লি ৩ বজাত দর্শনার্থীৰ অপেক্ষাগৃহ বন্ধ কৰা হ’ব। ১৪ অক্টোবৰত নৱমী পূজা পুৱা ১০.৩০ বজাৰ পৰা আৰম্ভ হৈ সূর্যাস্তত শেষ হ’ব। ১৫ অক্টোবৰত দশমী পূজা পুৱা ৯ বজাত আৰম্ভ হ’ব। দুপৰীয়া ১ বজাত হ’ব ভোগ নিবেদন। কামাখ্যা দেৱালয়ৰ দলৈ সমাজে বিবৃতিযোগে ৰাজহুৱা কৰিছে এই সময়সূচী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
