অসম লাইভ ২৪ঃ সম্প্ৰতি সৌন্দৰ্যৰ ক্ষেত্ৰখনত অনেক প্ৰসাধন সামগ্ৰী বজাৰত উপলব্ধ। আনহাতে প্ৰতিগৰাকী নাৰীয়ে নিজৰ সৌন্দৰ্য অটুট ৰাখিবলৈ অনেক যত্ন ল’বলগা হয়। কিয়নো আমাৰ সমগ্ৰ বাতাবৰণ আগৰ তুলনাত অধিক ধূলি-মাকতি আৰু ধোঁৱা আদিয়ে দূষিত কৰিছে। ফলত ইয়াৰ প্ৰভাৱ আমাৰ ছাল আৰু চুলিত পোনপটীয়াকৈ পৰে। ফলত সময়তকৈ আগতীয়াকৈ আমাৰ মুখত বয়সৰ চাপ পৰিবলৈ ধৰে। সেয়ে আমি কিছু যতন নিজাববীয়াকৈ ল’বলগা হয়। মহিলাসকল সকলো সময়তে ব্যস্ত থাকে। বেছি সময় যিহেতু পাকঘৰত কটায় মহিলাসকলে পাকঘৰতো সৌন্দৰ্য প্ৰসাধনৰ কিছুমান সামগ্ৰী নথকা নহয়। যিয়ে বয়সৰ চাপ কিছু পৰিমাণে হ’লেও প্ৰতিৰোধ কৰিব পাৰে।
১) নেমু টেঙাৰ ৰস লগাব পাৰে আপুনি। নেমু টেঙাৰ ৰসে ছাল পৰিষ্কাৰ কৰে।
২) মৌ আৰু অলিভ অইল একেলগে মিহলাই ঘঁহিলে ছাল কোমল হয়।
৩) মুখমণ্ডল পৰিষ্কাৰকৈ ৰাখিবলৈ এটা কণীৰ বগা অংশ আৰু আধা ফাল নেমুৰ ৰস মিহলাই মিশ্ৰণ এটা ১৫ মিনিটমান সময় লগাই থৈ পৰিষ্কাৰ পানীৰে ধোৱক। চাব মুখখনলৈ আপোনাৰ গ্ল’ আহিছে।
৪) এল’ভেৰা ৰস ছালত লগালে ছালখন কোমল হয়।
৫) বয়সৰ চাপ ৰুধিবলৈ পানী আমাৰ বাবে মহৌষধ। পানীয়ে ছালৰ উজ্জ্বলতা দুগুণ কৰে। মুখত পৰা বলিৰেখা দূৰ কৰে।
৬) সাধাৰণে উচ্চ ৰক্তচাপৰ ফলত সোনকালে বয়সৰ চাপ পৰিবলৈ ধৰে। আজুৱাইন
৭) মুখত পৰা সৰু সৰু বলিৰেখা দূৰ কৰিবলৈ এটা কণীৰ বগা অংশৰ লগত ৰঙা আটা মিহলাই মুখমণ্ডলত লগাওক। শুকালে পৰিষ্কাৰ পানীৰে ধুই দিয়ক। প্ৰতিদিনে ৰাতিপুৱা এটা পকা কলেৰে প্ৰায় ৫ মিনিট সময় মুখখন মাছাজ কৰিব লাগে। মনত ৰাখিব প্ৰতিদিনে মুখমণ্ডল পৰিষ্কাৰ কৰি তাৰ পাছত moisturizer লগোৱা অতি প্ৰয়োজন। বিশেষকৈ পাৰিলে আপোনালোকে ৰাতি শুৱাৰ সময়ত অলপ কেঁচা গাখীৰেৰে মুখখন মাছাজ কৰিব। চাব আপোনাৰ ছালৰ মৃত কোষ আঁতৰিব আৰু নতুন কোষৰ জন্ম হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
