অসম লাইভ২৪ঃ আৰ্জেণ্টিনাৰ প্ৰতিৰক্ষা মন্ত্ৰী জৰ্জ টায়নাই ১৮ জুলাইত ভাৰতৰ প্ৰতিৰক্ষা মন্ত্ৰী ৰাজনাথ সিঙৰ সৈতে বৈঠকত মিলিত হৈছিল। দ্বিপাক্ষিক বৈঠকৰ বাবেই ভাৰতত উপস্থিত হৈছে আৰ্জেণ্টিনাৰ প্ৰতিৰক্ষামন্ত্ৰী জৰ্জ টায়না। এই ভ্ৰমণতেই তেওঁ ভাৰতৰ পৰা তেজছ যুদ্ধবিমান ক্ৰয় কৰিব পাৰে আৰ্জেণ্টিনাৰ প্ৰতিৰক্ষামন্ত্ৰীয়ে।
আৰ্জেণ্টিনাৰ প্ৰতিৰক্ষামন্ত্ৰী জৰ্জ টায়নাৰ এই ভ্ৰমণত চতুৰ্থ প্ৰজন্মৰ ভাৰতীয় যুদ্ধবিমান তেজছ মাৰ্ক-১এ আৰু এলছিএইছ(লাইট কমবেট হেলিকপ্টাৰ) ভাৰতৰ পৰা ক্ৰয় কৰাৰ সম্ভাৱনা আছে। ৮,৬৭৫ কোটি টকাৰ চুক্তিৰো সম্ভাৱনা আছে আৰ্জেণ্টিনা আৰু ভাৰতৰ। দক্ষিণ আমেৰিকাৰ দেশ আৰ্জেণ্টিনাৰ বায়ুসেনাই ভাৰতৰ পাতল যুদ্ধ বিমান তেজছ ক্ৰয় কৰিবলৈ মন মেলিছে বাবেই ভাৰত ভ্ৰমণলৈ আহিছে প্ৰতিৰক্ষা মন্ত্ৰী জৰ্জ টায়না।
দক্ষিণ আমেৰিকাৰ দেশ আৰ্জেণ্টিনাৰ বায়ু সেনাই ভাৰতীয় .যুদ্ধবিমান তেজছ ক্ৰয় কৰিবলৈ আগ্ৰহ প্ৰকাশ কৰিছিল। এইবাৰ জুন মাহতো আৰ্জেণ্টিনাৰ ভাৰতীয় ৰাষ্ট্ৰদূত দীনেশ ভাটিয়া, আৰ্জেণ্টিনাৰ বায়ুসেনা বাহিনীৰ প্ৰধান ব্ৰিগেডিয়াৰ জেনেৰেল জাভিয়াৰ আইজেকছৰ সৈতে তেজছ যুদ্ধবিমানৰ বিষয়ে আলোচনাও হৈছে।
আৰ্জেণ্টিনাৰ হিন্দুস্তান এৰোনটিক্স লিমিটেডে তৈয়াৰ কৰা বিভিন্ন ধৰণৰ হেলিকপ্টাৰক ক্ৰয় কৰিবলৈ আগ্ৰহী আৰ্জেণ্টিনা। আৰ্জেণ্টিনাৰ ১২খন যুদ্ধ বিমানৰ প্ৰয়োজন। যাৰ বাবে চীন আৰু ভাৰতৰ দুখন যুদ্ধবিমানৰ প্ৰতি আগ্ৰহ দেখুৱাইছে আৰ্জেণ্টিনাই। প্ৰাথমিকভাৱে চীনৰ জেএফ ১৭ আৰু ভাৰতৰ তেজছ লোৱাৰ বাবে আগ্ৰহী হৈছে আৰ্জেণ্টিনা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
