মৃত্যু এনেকৈয়ো আহে! কাৰ্যালয়লৈ গৈ থকা অৱস্থাতে পথ দুৰ্ঘটনাত থিতাতে নিহত সংবাদকৰ্মী মুস্তাক আলম

অসম লাইভ২৪ঃ মহানগৰীত শোকাৱহ পথ দুৰ্ঘটনা।
বশিষ্ঠত চিটি বাছৰ দৌৰাত্ম্যই প্ৰাণ কাঢ়িলে এগৰাকী সংবাদকৰ্মীৰ।
স্কুটী আৰু চিটি বাছৰ মাজত হোৱা সংঘৰ্ষত থিতাতে নিহত সংবাদ কৰ্মী মুস্তাক আলমৰ।
গুৱাহাটীৰ এটা ডিজিটেল সংবাদ মাধ্যমত কৰ্মৰক আছিল সংবাদ কৰ্মী মুস্তাক।
জানিব পৰা মতে, সংবাদ কৰ্মীগৰাকীয়ে পুৱা As-01DU-5612 নম্বৰৰ স্কুটীৰে কাৰ্যালয়লৈ গৈ থকা সময়তে পিছফালৰ পৰা খুন্দা মাৰে As-01HC3639নম্বৰৰ তীব্ৰবেগী চিটি বাছখনে।
ভয়ংকৰ দুৰ্ঘটনাত পথৰ ওপৰত উফৰি পৰা মুস্তাক আলমৰ মূৰৰ ওপৰেৰে উঠি যায় চিটি বাছখনৰ চকা।
ফলত থিতাতে মৃত্যু ঘটে যুৱকজনৰ।
দুৰ্ঘটনাৰ পিছত আৰক্ষীয়ে আটক কৰে অভিযুক্ত বাছ চালকজনক।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ