অসম লাইভ২৪ঃ আহোমৰ হেংদাঙক লৈ বিতৰ্কিত মন্তব্য কৰি চৰ্চা লাভ কৰা ৰূপজ্যোতি কূৰ্মীয়ে বিতৰ্ক সন্দৰ্ভত মুখ খুলিছে। ৰূপজ্যোতিয়ে হেংদাং বিতৰ্ক সন্দৰ্ভত কয়, ‘মই বিতৰ্কিত একো কথা কোৱা নাই, সংবাদমাধ্যমেৰে কথাটো বেলেগকৈ লৈছে।’
মন্তব্যত ৰূপজ্যোতিয়ে সাংসদ বদৰুদ্দিন আজমলক এইবাৰ টাৰ্গেট কৰি লৈছে। ৰূপজ্যোতিয়ে কয়, ‘সাংসদ হলে Fit হব লাগে। শকত হলে ফিল্ডত বাগৰি পৰে, ধুবুৰীত উন্নয়নৰ নামত একো কৰা নাই আজমলে, সেয়েহে ৰাইজে এইবাৰ তেওঁৰ বিচাৰ কৰিব। আজমলে নিজৰ ব্যৱসায়িক লাভৰ কথা চিন্তা কৰে সমষ্টিত উন্নয়নৰ কথা নাভাৱে।’
২৪ৰ লোকসভা নিৰ্বাচনৰ পূৰ্বে বিৰোধীৰ তৎপৰতাক লৈ ৰূপজ্যোতি কূৰ্মীয়ে কয়, ‘লোকসভাত ১২ আসন নিশ্চিত হৈ আছে BJPৰ। নিৰ্বাচন আয়োগ আৰু খৰ্গেক লগ কৰিবলৈ অসমৰ ১১ বিৰোধী উৰা মাৰিছে দিল্লীলৈ। কিন্ত অখিল গগৈৰ নিচিনা একাংশ পাবত গজা নেতাক লগত লৈ কংগ্ৰেছৰ দিল্লী যাত্ৰা কেতিয়াও সফল নহব।কংগ্ৰেছ আৰু অন্য বিৰোধীয়ে অসমৰ উন্নয়ন নিবিচাৰে সেইবাৱে সমষ্টি পুনঃ নিৰ্ধাৰণৰ আপত্তি জনাবলৈ নিৰ্বাচন আয়োগৰ কাষলৈ গৈছে। অসমতো পাবত গজা দুই এজন নেতাইহে সমষ্টি পুনঃ নিৰ্ধাৰণৰ বিৰোধ কৰিছে। ৰকিবুল হুছেইনৰ কথাৰ আজি একো ভিত্তি নাই, আগতে বনমন্ত্ৰী হৈ থাকোতে তেওঁৰ পেট বাঢ়িলে। খালে, গঁড় মাৰিলে, ৰকিবুল হুছেইন এতিয়া Reject মানুহ, ৰাইজে তেওঁক আৰু নিবিচাৰে।’
ইয়াৰোপৰি ৰূপজ্যোতিয়ে কয়, ‘অসমত এতিয়া servibel অফ the fitest নীতি চলি আছে। যিয়ে কাম কৰিব সিয়ে টিকি থাকিব। মানুহে এতিয়া চেহেৰা নহয় কাম চায়।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
