অসম লাইভ২৪ঃ ভাৰতৰ হৈ বিশেষ পাৰদৰ্শিতা দেখুৱাইছে মহম্মদ ছিৰাজে৷ মহম্মদ ছিৰাজৰ খেলে ধৰাশায়ী কৰিছে শ্ৰী লংকাক৷ ফাইনেলত মাত্ৰ ৫০ ৰান কৰিয়েই অল আউট হৈছে শ্ৰী লংকাৰ দল৷ মেছত জিকি ৪ লাখ ১৫ হাজাৰ টকা লাভ কৰিছে মহম্মদ ছিৰাজে৷ কিন্তু পুৰস্কাৰৰ এই টকা উভতাই দিছে ছিৰাজে৷ গ্ৰাউণ্ড ষ্টাফৰ মাজত তেওঁ সেই ধন বিতৰণ কৰি দিছে৷
ভাৰতীয় বলাৰ মহম্মদ ছিৰাজৰ মতে গ্ৰাউণ্ড ষ্টাফসকলে বৰষুণৰ মাজতো খেলৰ বাবে ফিল্ডখন ৰেডী কৰি দিয়ালৈকে সকলোবোৰ কামেই সুচাৰুৰূপে কৰি দিয়াৰ বাবেহে খেলখন খেলিব পৰা গ’ল৷ সেয়ে ছিৰাজে নিজৰ পুৰস্কাৰৰ ধন সেই গ্ৰাউণ্ড ষ্টাফসকলৰ মাজত বিতৰণ কৰি দিছে মহম্মদ ছিৰাজে৷ মেছ শেষ হোৱাৰ পাছতেই ছিৰাজে পুৰস্কাৰৰ ধন এইসকল কৰ্মীৰ হাতত তুলি দিয়ে৷ কিয় এই ধন গ্ৰাউণ্ড ষ্টাফক দিলে ছিৰাজে সেই বিষয়ে তেওঁ কয়, ‘এই পুৰস্কাৰ কলম্বোৰ এইসকল গ্ৰাউণ্ড ষ্টাফৰ প্ৰাপ্যই৷ তেওঁলোক অবিহনে এই প্ৰতিযোগিতা আয়োজন কৰাই অসম্ভৱ আছিল৷ এই পুৰস্কাৰ তেওঁলোকৰ প্ৰাপ্য৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
